Футбалісты «Слуцка» выйшлі ў чвэрцьфінал розыгрышу Кубка Беларусі, паведамляе БелТА.
Сёння ў хатнім паядынку 1/8 фіналу слуцкая каманда перайграла гасцей з мінскага «Дынама» з мінімальнай перавагай — 1:0. Пераможны мяч на 14-й хвіліне сустрэчы забіў Канстанцін Котаў. Для дынамаўцаў гэта быў першы матч пад кіраўніцтвам новага галоўнага трэнера Вадзіма Скрыпчанкі.
Чэмпіёны Беларусі футбалісты салігорскага «Шахцёра» згуляюць у гасцях у «Мінска», а віцэ-чэмпіён сталічны «Энергетык-БДУ» прыме ўладальніка бронзавых узнагарод барысаўскі БАТЭ.
Раней у чвэрцьфінал прабіліся футбалісты «Віцебска», гродзенскага «Нёмана», жодзінскага «Тарпеда-БелАЗа», мазырскай «Славіі», а таксама бабруйская «Белшына», якая ў 1/8 фіналу адолела цяперашняга ўладальніка Кубка краіны «Гомель».
Прэв’ю: pixabay.com
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».