Уладзімір Макей будзе пахаваны на Усходніх могілках у Мінску

Уладзімір Макей будзе пахаваны на Усходніх могілках у Мінску, паведамілі БелТА ў прэс-службе беларускага ўрада.

Паводле інфармацыі прэс-службы Саўміна, прэм’ер-міністр падпісаў распараджэнне «Аб арганізацыі пахавання міністра замежных спраў Рэспублікі Беларусь Макея У.У.». Згодна з дакументам, створана камісія, куды ўвайшлі прадстаўнікі розных ведамстваў. У прыватнасці, Мінскаму гарвыканкаму даручана арганізаваць пахаванне Уладзіміра Макея на Усходніх могілках сталіцы.

На Міністэрства абароны ўскладзены абавязак забяспечыць цырымонію развітання ў Цэнтральным Доме афіцэраў. Дата і час цырымоніі развітання будуць паведамленыя дадаткова.

Прэв’ю: БелТА