Вы тут

Як у Беларусі дасягаюцца Мэты ўстойлівага развіцця


Дасягненне 17 Мэт устойлівага развіцця стала для Беларусі планам актыўных дзеянняў. Пра гэта гаварылі ўдзельнікі пасяджэння Савета па ўстойлівым развіцці, якое прайшло нядаўна ў Мінску. Прадстаўнікі рэспубліканскіх і мясцовых органаў улады, Парламента, офіса ААН у Рэспубліцы Беларусь, маладзёжныя паслы МУР абмеркавалі вынікі работы Савета за 2021-2022 гады і планы на надыходзячы 2023 год, рэалізацыю Рэспублікай Беларусь Парадку дня ў вобласці ўстойлівага развіцця на перыяд да 2030 года, прадстаўленне нашай краінай другога Добраахвотнага нацыянальнага агляду на пасяджэнні Палітычнага форуму высокага ўзроўню па ўстойлівым развіцці ў Нью-Ёрку, а таксама вынікі экспертнай комплекснай ацэнкі фінансавання ў рамках дзяржаўных праграм з улікам Мэт устойлівага развіцця і іншае.


Міністэрства прыродных рэсурсаў і аховы навакольнага асяроддзя на мерапрыемстве прадставіў намеснік міністра, кіраўнік міжведамаснай экспертнай групы па экалагічным кірунку па дасягненні Мэт устойлівага развіцця Аляксандр Гарошка. 

— Рэалізацыі Мэт устойлівага развіцця экалагічнага блока садзейнічала выкананне дзяржаўнай праграмы «Ахова навакольнага асяроддзя і ўстойлівае выкарыстанне прыродных рэсурсаў на 2021-2025 гады» і Нацыянальнага плана дзеянняў па развіцці «зялёнай» эканомікі ў Рэспубліцы Беларусь на 2021-2025 гады, — расказаў ён.

Намеснік міністра адзначыў, што ў рамках Нацыянальнага плана вядзецца комплексная работа па ўкараненні зялёных тэхналогій, развіццю арганічнай сельскай гаспадаркі, электратранспарту (інфраструктуры); рэалізуюцца мерапрыемствы па прынцыпу «ўстойлівае спажыванне і вытворчасць», па павышэнні энергаэфектыўнасці шматкватэрных і індывідуальных жылых дамоў.

З кожным годам, дзякуючы папулярызацыі экалагічнай адукацыі, у краіне расце колькасць «Зялёных школ» — удзельнікаў аднайменнага адукацыйнага праекта. Калі ў 2020-м сертыфікат «Зялёнай школы» атрымалі 98 устаноў адукацыі, то ў 2021-м ужо 148.

Паводле слоў Аляксандра Гарошкі, прыродаахоўнае ведамства актыўна ўзаемадзейнічае з арыентаванай на экалогію моладдзю, падтрымлівае правядзенне такіх мерапрыемстваў, як рэспубліканскі маладзёжны фестываль «Жыццё ў стылі ЭКА», сустрэчы прадстаўнікоў тэрытарыяльных органаў і падначаленых арганізацый Мінпрыроды з падрастаючым пакаленнем. Сёлета міністр прыродных рэсурсаў і аховы навакольнага асяроддзя Андрэй Худык пагаварыў з маладзёжнымі пасламі Мэт устойлівага развіцця.

На шляху да Мэт

Згодна з Планам-графікам па зборы і актуалізацыі даных на Нацыянальнай платформе ў Белстаце Мінпрыроды прадстаўляе справаздачнасць па нацыянальных паказчыках МУР 6, 9, 11, 12, 13, 15.

— Што датычыцца рэалізацыі мэты 6 «Чыстая вада і санітарыя», то ў рэспубліцы ўкаранёны прынцып басейнавага ўпраўлення воднымі рэсурсамі, што садзейнічае паляпшэнню экалагічнага статусу паверхневых водных аб’ектаў, — прывёў адзін з прыкладаў работы Аляксандр Гарошка. — Чакаецца, што доля паверхневых водных аб’ектаў з добрым экалагічным статусам і вышэй да 2025 года стане не менш чым 75 %, а да 2030-га павялічыцца да 85 %. Сёння яна складае 72,4 %.

У мэтах 9, 11, 13 адлюстраваны задачы дасягнення ўстойлівага развіцця планеты ў вобласці якасці атмасфернага паветра і змены клімату. У нашай краіне гэтаму кірунку надаюць вялікую ўвагу. Дзякуючы прынятым мерам у рэспубліцы каля 90 % выкідаў забруджвальных рэчываў ад стацыянарных крыніц улоўліваецца і абясшкоджваецца газаачышчальнымі ўстаноўкамі, што дазваляе стрымліваць рост выкідаў забруджвальных рэчываў у паветра з улікам развіцця эканомікі, у тым ліку будаўніцтва новых прадпрыемстваў.

— Выконваюцца і абавязацельствы па Парыжскім пагадненні — да 2030 года запланавана скарачэнне выкідаў парніковых газаў не менш чым на 35 % да ўзроўня 1990 года. За 2020 год скарачэнне склала ўжо 38,9 %, а з улікам сектара «Землекарыстанне, змяненне землекарыстання і лясная гаспадарка» — 56,3 %.

Што датычыцца сферы абыходжання з адходамі (гэтаму напрамку прысвечана МУР 12), то ў Беларусі рэалізуюцца два праекты міжнароднай тэхнічнай дапамогі па кіраванні небяспечнымі рэчывамі (адходамі), у тым ліку стойкімі арганічнымі забруджвальнікамі. У рамках аднаго з іх у 2021 годзе вывезена і часткова знішчана 96,4 тон непрыдатных пестыцыдаў, а сёлета плануецца вывезці і ліквідаваць не менш за 820 тон.

Аляксандр Гарошка таксама звярнуў увагу на тое, што доля адходаў, накіраваных на захаванне, у агульным аб’ёме ўтвораных адходаў вытворчасці 1-3 класаў небяспекі, узрасла. Каб знізіць колькасць гэтых рэчываў, плануецца іх абясшкодзіць на аб’екце па абясшкоджванні небяспечных адходаў на базе КУП «Комплекс па перапрацоўцы і захаванні таксічных прамысловых адходаў у Гомельскай вобласці, створанага пры фінансавай падтрымцы Глабальнага экалагічнага фонду.

Паводле слоў намесніка міністра, у краіне асаблівая ўвага надаецца дасягненню мэты 15 «Захаванне сістэм сушы», у прыватнасці задачы 15.3, накіраванай на дасягненне нейтральнага балансу дэградацыі зямель. У рамках Нацыянальнага плана дзеянняў адобраны нацыянальныя добраахвотныя паказчыкі нейтральнага балансу дэградацыі зямель да 2030 года, а таксама забяспечваецца каардынацыя сістэмы практычных мер па іх дасягненні.

Настасся АЛЯКСЕЕВА

Выбар рэдакцыі

Грамадства

Як жывуць і каго чакаюць у госці жыхары адрэзанай вадой Палянаўкі

Як жывуць і каго чакаюць у госці жыхары адрэзанай вадой Палянаўкі

Працягваем сачыць за развіццём паводкавай сітуацыі.

Калейдаскоп

100 гадоў Леаніду Шчамялёву. Як добра вы ведаеце жыццё і творчасць мастака? Тэст

100 гадоў Леаніду Шчамялёву. Як добра вы ведаеце жыццё і творчасць мастака? Тэст

Леанід Дзмітрыевіч стаў сапраўдным класікам беларускага жывапісу.