Вы тут

Куды можна з’ездзіць з дзецьмі ў Беларусі напярэдадні Новага года


Аб тым, куды можна з’ездзіць з дзецьмі напярэдадні Новага года, расказала ў прэс-цэнтры БелТА намеснік дырэктара — начальнік аддзела планавання і арганізацыі турысцкай дзейнасці Дэпартамента па турызме Міністэрства спорту і турызму Кацярына Нікіціна.


Гаворачы аб альтэрнатывах паездкі з дзецьмі ў Белавежскую пушчу да Дзеда Мароза, спецыяліст прывяла прыклады падобных месцаў і ў іншых абласцях нашай краіны.

«Напрыклад, у Пастаўскім раёне Віцебскай вобласці на турбазе „Азяркі“ з’явіўся новы персанаж Дзед Бай», — расказала яна.

Вобраз Дзеда Бая — гэта даніна павагі творчасці паэта, пісьменніка і перакладчыка Уладзіміра Дубоўкі. У яго творы «Чароўная знаходка» галоўным персанажам з’яўляецца Дзед Бай — вясёлы расказчык і казачнік, які прыйшоўся да спадобы дзіцячай аўдыторыі. Паводле сюжэтаў казак, напісаных Уладзімірам Дубоўкам, ствараюцца анімацыйныя праграмы, героі якіх удзельнічаюць у тэатралізаваных паказах на сцэне комплексу.

«Таксама ў гэтым годзе з тэатралізаваным паказам на турбазу „Азяркі“ вернецца яшчэ адзін фальклорны пастаўскі персанаж — Зюзя Паазерскі», — дадала Кацярына Нікіціна.

Акрамя таго, яна падкрэсліла, што яшчэ адной альтэрнатывай можа быць паездка ў нацыянальны парк «Прыпяцкі» ў Гомельскай вобласці. «У гэтым парку таксама пабудавана рэзідэнцыя Дзеда Мароза, у якога нават ёсць свой алень. Будзе арганізавана навагодняя праграма. З адметнасцей ёсць Музей палешука, што таксама даволі цікава», — рэзюмавала начальнік аддзела планавання і арганізацыі турысцкай дзейнасці Дэпартамента па турызме.

Прэв’ю: БелТА

Выбар рэдакцыі

Грамадства

Бутэляваная, калодзежная, з-пад крана… Як у краіне вырашаюць праблему чыстай пітной вады

Бутэляваная, калодзежная, з-пад крана… Як у краіне вырашаюць праблему чыстай пітной вады

Сёння ў Беларусі крыху больш за 800 населеных пунктаў яшчэ не маюць якаснай вады.

Эканоміка

Разумныя грошы. Крэдыты сталі больш даступнымі, а стаўкі па дэпазітах — ніжэйшымі

Разумныя грошы. Крэдыты сталі больш даступнымі, а стаўкі па дэпазітах — ніжэйшымі

Як вядома, з 23 студзеня ў нас змянілася стаўка рэфінансавання.

Грамадства

Яраслаў Іваноў: Падчас «Студэнта года» я прайшоў каласальны шлях

Яраслаў Іваноў: Падчас «Студэнта года» я прайшоў каласальны шлях

Аб тым, якія эмоцыі адчуў, калі зразумеў, што перамог.

Грамадства

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Інтэрв’ю з капітанам каманды «Доктар Хаусс» Паўлам Малахавым.​