Вы тут

Абвешчаны «Фермеры-пачаткоўцы» 2022 года


Расійскі саюз сельскай моладзі ў анлайн-фармаце правёў фінал бізнес-гульні «Фермер-пачатковец». У завочным этапе спаборніцтва прынялі ўдзел больш як сто каманд з Расіі, Беларусі, Арменіі, Казахстана і Кыргызстана. У фінал было адабрана 59 найлепшых праектаў у чатырох катэгорыях: 23 — з ВНУ, 17 — з сярэдніх спецыяльных навучальных устаноў, 12 — са школ і сем каманд маладых прадпрымальнікаў, якія вядуць сваю дзейнасць у сферы аграпрамысловага комплексу.


У фінал міжнароднай бізнес-гульні «Фермер-пачатковец» ад Беларусі прайшлі дзевяць маладзёжных праектаў. У краіне адбыліся тры абарочныя туры. У першым нацыянальным прынялі ўдзел 80 заявак, у другі тур прайшлі 36. У трэцім, міжнародным, былі разгледжаны 20 заявак ад беларусаў.

У выніку ў міжнародным фінале Беларусь прадстаўлялі наступныя праекты — «Адкрыццё цяплічнага комплексу «Ягадніца» (аўтар — магістрант эканамічнага факультэта Беларускай дзяржаўнай сельскагаспадарчай акадэміі Ганна Бандарэнка), GORKІ'S HONEY (аўтар — студэнт першага курса эканамічнага факультэта БДСГА Энгін Макейчык), «Мова грыбоў» (аўтар — студэнт чацвёртага курса факультэта камерцыі і фінансаў Беларускага гандлёва-эканамічнага ўніверсітэта спажывецкай кааперацыі Арцём Скаромны), «Вёска будучыні» (аўтар — першы сакратар Браслаўскага раённага камітэта БРСМ Алена Гасюль), «Вырошчванне і рэалізацыя ядомых каштанаў» (аўтар — навучэнка другога курса Маладзечанскага гандлёва-эканамічнага каледжа Белкаапсаюза Уладзіслава Гардзей), «Сялянска-фермерская гаспадарка «Бацькаў дар» (аўтар — навучэнка трэцяга курса эканамічнага факультэта Гомельскага дзяржаўнага аграрна-эканамічнага каледжа Карына Махавікова), «Ажыццяўленне фермерскай дзейнасці па вырошчванні грэчкі» (аўтар — навучэнец трэцяга курса Бабруйскага дзяржаўнага аграрна-эканамічнага каледжа Андрэй Пачарняеў), «Рацыянальнае выкарыстанне цыбульных раслін на прыкладзе Tulіpa hіbrіda» (аўтар — настаўніца біялогіі СШ № 8 Крычава Ірына Кісялёва), а таксама праект школьнай стартап-кампаніі «Пакаленне ЭкаАгра» (аўтар — настаўніца біялогіі Барсукоўскай сярэдняй школы Смалявіцкага раёна Надзея Паўленка).

Пераможцаў вызначыла конкурсная камісія, прадстаўленая экспертамі з Мінсельгаса Расіі, галіновых саюзаў, навуковай супольнасці, бізнес-структур у сферы аграпрамысловага комплексу, а таксама банкаў і іншых кампетэнтных арганізацый.

Сярод каманд ВНУ адным з лідараў стаў праект, у прыватнасці, Арцёма Скаромнага з Беларускага гандлёва-эканамічнага ўніверсітэта спажывецкай кааперацыі па вырошчванні грыбоў вешанак.

Сярод ССНУ на другім месцы апынуўся праект каманды з Гомельскага дзяржаўнага аграрна-эканамічнага каледжа, накіраваны на стварэнне сялянска-фермерскай гаспадаркі, якая спецыялізуецца на вытворчасці прадукцыі раслінаводства і пчалярства, аказанні аграэкатурыстычных паслуг.

У катэгорыі каманд маладых людзей, якія маюць досвед вядзення асабістай падсобнай гаспадаркі не менш за тры гады і/ці прадпрымальнікаў, што вядуць сваю дзейнасць у сферы аграпрамысловага комплексу, спецыяльны прыз атрымаў праект «Вёска будучыні» на чале з першым сакратаром Браслаўскага раённага камітэта БРСМ Аленай Гасюль.

У катэгорыі школьнікаў першае месца заняў праект з Беларусі пад назвай «Рацыянальнае выкарыстанне цыбульных раслін на прыкладзе Tulіpa hіbrіda». Дзеці прапанавалі прадоўжыць жыццё цюльпанаў да жаночага свята 8 Сакавіка да дзесяці дзён за кошт вырошчвання ў вазонах з пажыўным растворам. Спецыяльны прыз у гэтай жа катэгорыі атрымала Барсукоўская сярэдняя школа Смалявіцкага раёна за стартап-кампанію «Пакаленне ЭкаАгра».

Гульня на тэрыторыі Беларусі была арганізавана БРСМ пры падтрымцы Міністэрства сельскай гаспадаркі і харчавання, Міністэрства адукацыі Беларусі і Расійскага саюза сельскай моладзі, які аказаў кансультацыйную дапамогу ў яе правядзенні.

Нагадаем, праект накіраваны на развіццё ва ўдзельнікаў навыкаў бізнес-планавання ў сельскай гаспадарцы, збору і аналізу інфармацыі, выпрацоўкі кіраўнічых рашэнняў і ўмення працаваць у камандзе.

Фіналісты павінны былі валодаць ведамі асноў эканомікі і кіравання сельскагаспадарчай арганізацыяй, праграм, накіраваных на падтрымку фермерскіх гаспадарак, быць здольнымі кіраваць сельскагаспадарчай арганізацыяй ва ўмовах канкурэнцыі.

Сяргей РАСОЛЬКА

Загаловак у газеце: У вёсцы жыць — у сельскай гаспадарцы быць!

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.