Вы тут

Дзяржстандарт дапоўніў растлумачэнні па аднясенні прадукцыі да новага спажывецкага тавару


Дадатковыя растлумачэнні па пытаннях аднясення прадукцыі да новага спажывецкага тавару ў рамках прымянення пастановы Савета Міністраў ад 19 кастрычніка 2022 года нумар 713 «Аб сістэме рэгулявання цэн» размешчаны на сайце Дзяржстандарту ў тэматычным банеры. Тут жа прыведзены адказы на тыпавыя пытанні, што ўзніклі ў практычнай дзейнасці арганізацый, паведамілі ў прэс-службе камітэта.


Так, аднясенне прадукцыі да новага спажывецкага тавару вытворца ажыццяўляе самастойна, кіруючыся захаваннем пэўных крытэрыяў. У прыватнасці, прадукцыя ўпершыню выраблена вытворцам, не мае аналагаў на тэрыторыі Беларусі. Прадукцыя ўжо выраблялася вытворцам, але ёй прысвоена новае абазначэнне або азначэнне ў сувязі са значнай ступенню ўдасканалення або мадыфікацыяй яе ўласцівасцей, параметраў, прыкмет або характарыстык; са змененай галіной прымянення; з новым або значна адрозным саставам прымененых пры яе вытворчасці матэрыялаў або кампанентаў (не менш як на 30 працэнтаў); са значнай ступенню тэхналагічных змяненняў са змяненнем або без змянення класіфікацыйнага кода адзінай ТН ЗЭД ЕАЭС на ўзроўні першых чатырох знакаў; з перапрацоўкай (апрацоўкай), што прывяла да змянення класіфікацыйнага кода адзінай ТН ЗЭД ЕАЭС на ўзроўні першых чатырох знакаў.

Пры аднясенні прадукцыі да новага спажывецкага тавару вытворца павінен правесці аналіз дзяржстандартаў (міждзяржаўных стандартаў, уведзеных у дзеянне ў якасці дзяржаўных), тэхнічных умоў, тэхнічнай (канструктарскай, тэхналагічнай) дакументацыі, у адпаведнасці з якімі плануецца вырабляць прадукцыю, і супаставіць паказчыкі або характарыстыкі, устаноўленыя ў вышэйпералічаных дакументах, з паказчыкамі або характарыстыкамі прадукцыі, якая ўжо ім выпускаецца.

Пры гэтым прадукцыя не будзе адносіцца да новага віду, калі ў адносінах да раней выпускаемай вытворцам прадукцыі былі праведзены наступныя аперацыі (за выключэннем выпадкаў, калі правядзенне аперацый прывяло да змянення класіфікацыйнага кода адзінай ТН ЗЭД ЕАЭС на ўзроўні першых чатырох знакаў) — разліў, фасоўка ў слоікі, бутэлькі, флаконы, мяшкі, скрыні, каробкі і іншыя простыя аперацыі па ўпакоўцы або пераўпакоўцы, не накіраваныя на змяненне ўласцівасцей прадукцыі.

Прэв’ю: pixabay.com

Выбар рэдакцыі

Грамадства

Бутэляваная, калодзежная, з-пад крана… Як у краіне вырашаюць праблему чыстай пітной вады

Бутэляваная, калодзежная, з-пад крана… Як у краіне вырашаюць праблему чыстай пітной вады

Сёння ў Беларусі крыху больш за 800 населеных пунктаў яшчэ не маюць якаснай вады.

Эканоміка

Разумныя грошы. Крэдыты сталі больш даступнымі, а стаўкі па дэпазітах — ніжэйшымі

Разумныя грошы. Крэдыты сталі больш даступнымі, а стаўкі па дэпазітах — ніжэйшымі

Як вядома, з 23 студзеня ў нас змянілася стаўка рэфінансавання.

Грамадства

Яраслаў Іваноў: Падчас «Студэнта года» я прайшоў каласальны шлях

Яраслаў Іваноў: Падчас «Студэнта года» я прайшоў каласальны шлях

Аб тым, якія эмоцыі адчуў, калі зразумеў, што перамог.

Грамадства

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Інтэрв’ю з капітанам каманды «Доктар Хаусс» Паўлам Малахавым.​