Вы тут

У Стоўбцах урачыста перазахавалі астанкі святара Фабіяна Малішоўскага, які жыў у 17 стагоддзі


Сёння, 9 снежня, старшыня Мінаблвыканкама Аляксандр Турчын сустрэўся з апостальскім нунцыем, архіепіскапам Антэ Йозічам у Стоўбцах. На сустрэчы прысутнічалі архіепіскап Мінска-Магілёўскай епархіі Юзаф Станеўскі, Упаўнаважаны па справах рэлігій і наыянальнасцяў Аляксандр Румак.


Падчас сустрэчы абмяркоўвалася пытанне перазахавання астанкаў Фабіяна Малішоўскага.

— Мы абмяркоўвалі з архіепіскапам і такое пытанне, як аднаўленне храма ў Будславе, які яшчэ да канца не адбудаваны. Сёння ж перадаём астанкі вядомага каталіцкага святога чалавека Фабіяна Малішоўскага на перазахаванне, які 400 гадоў таму жыў у Стоўбцах і служыў у касцёле. Гэтая падзея яшчэ раз падкрэслівае тэзісы нашага Прэзідэнта Аляксандра Лукашэнкі, што мы ў Беларусі аднолькава добра адносімся да вернікаў усіх канфесій, і ў нас нармальныя міжканфесіяльныя стаўленні, няма ніякіх праблем. Гэта яшчэ раз даказвае, што адносіны дзяржавы з Рымска-Каталіцкай царквой добрыя, — сказаў Аляксандр Турчын.

— У Мінскай вобласці шмат знакавых аб’ектаў. Гэта касцёлы ў Нясвіжы, Будславе, Валожыне для прыцягнення турыстаў. Неабходна адбудаваць і касцёл у Будславе. Але гэта рабочыя моманты, — адзначыў кіраўнік цэнтральнага рэгіёна.

Менавіта пры манаху Малішоўскім, з яго непасрэдным удзелам у Стоўбцах быў узведзены ў 1640 годзе каталіцкі храм імя Святога Антонія. У жніўні 1644-га Фабіян Малішоўскі памёр. Яго пахавалі ў пабудаваным ім касцёле. У 1958 годзе храм быў узарваны. Астанкі Фабіяна Малішоўскага ўдалося адшукаць толькі ў мінулым годзе. Што гэта менавіта астанкі святара пацвердзілі эксперты Следчага камітэта, якія правялі шэраг экспертыз, у тым ліку ўнікальных. Вывучаліся архіўныя дакументы, апрошваліся сведкі. Напрыклад, для аднаўлення знешнасці памерлага следчымі была прызначана медыка-крыміналістычная экспертыза, адпаведна якой выканана графічная рэканструкцыя прыжыццёвага вобраза. Зыходзячы з вынікаў праверкі, не выключаецца, што касцявыя астанкі могуць належаць Фабіяну Малішоўскаму.

Нарэшце святар набыў пакой у сценах касцёла, які адбудаваны нанова, але ў іншым месцы.

Спецыяльна для цырымоніі пахавання астанкаў Малішоўскага быў зроблены саркафаг у выглядзе чалавечага цела з металічнай галавой. Святары накіроўваюца па прыступках да алтара. А прадстаўнікі Камітэта судовых экспертыз перакладваюць астанкі святога ў імправізаваную труну, і змяшчаюць іх у саркафаг, які закрываюць прадстаўнікі царквы.

Тым часам вернікам, якіх сабралася шмат у касцёле, зачытваюць жыццёвы шлях манаха. Напрыканцы цырымоніі начальнік упраўлення Следчага камітэта па Мінскай вобласці Андрэй Ліс і прадстаўнік Рымска-Каталіцкай царквы падпісалі акт аб перадачы астанкаў Фабіяна Малішоўскага. Пасля святой месы труну з астанкамі перанеслі да месца пастаяннага захавання.

— Сёння адбываецца вельмі значная падзея для міжканфесіянальнага жыцця нашай краіны. Сёння перазахоўваюцца парэшткі Фабіяна Малішоўскага, які калісьці служыў у Стабцоўскм касцёле. І вельмі важна, што гэта адбываецца ў Год гістарычнай памяці, год, калі мы звяртаемся да духоўнай гісторыі беларускага народа, — падкрэсліў Упаўнаважаны па справах рэлігій і нацыянальнасцяў Аляксандр Румак. — Хачу нагадаць, што ў нашай краіне пражываюць людзі 25 веравызванняў. Беларусь — гэта краіна міру і згоды, і каталіцкая царква з’яўляецца другой па ўплыву ў нашай дзяржаве. І дзяржава прызнае тую ролю, якую адыграла каталіцкая царква ў гісторыі беларускага народа, развіцці, культуры. Сённяшняя падзея сведчанне таго, што беларусы прызнаюць чалавека, незалежна ад таго, якога ён веравызвання, нацыянальнасці, што людзі паважаюць выбар кожнага верніка. І для нас самае галоўнае, пра што неаднойчы казаў Прэзідэнт, захаваць мір і згоду на беларускай зямлі.

Таццяна ЛАЗОЎСКАЯ

Прэв’ю: БелТА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.