6 снежня ў горадзе на Дзвіне прайшоў фінал ІV Міжнароднага фестывалю-конкурсу «Арт-парад у Віцебску», па выніках якога ўладальнікамі Гран-пры сталі Марыца Цілікян (Арменія) у намінацыі «Вакал» і заслужаны аматарскі калектыў Рэспублікі Беларусь народная тэатр-студыя сучаснай харэаграфіі ў намінацыі «Харэаграфія».
Фінал фестывалю супаў з калядным вечарам. Міжнароднае журы і госці пад кіраўніцтвам генеральнага дырэктара Цэнтра культуры «Віцебск» Глеба Лапіцкага завіталі ў Заронаўскі музей, што ў Віцебскім раёне, каб далучыцца да беларускага абрадавага свята «Каляды» разам з юнымі экскурсаводамі.
«Будзь ваша здарова, як рыжык баровы», «Майце торбу грошай, жывіце ў раскошы. Збожжа — поўны клеці і павагу ў свеце» — пажаданні дабрабыту, плёну і здароўя ад Казы, Мядзведзя, Цыганкі і іншых персанажаў абрадавай замалёўкі ліліся гаманкой ракой.
Знайшлося ў святочны вечар месца не толькі жартам і калядным варожбам, але і калектыўным танцам з вясёлымі конкурсамі.
За шчырыя словы — салодкія і грашовыя падарункі.
Аляксандра ГВОЗДЗЕВА
Фота аўтара
«Залатая падаплёка крылаў... »
АВЕН. На гэтым тыдні магчымыя даволі няпростыя сітуацыі.
Разбіраемся разам з урачом па медыцынскай прафілактыцы.
