У вёсцы Прылепы Смалявіцкага раёна ўвечары праваслаўнага Раства гурт калядоўшчыкаў выправіўся віншаваць вяскоўцаў са святам Божага нараджэння.
Не першы год вясёлыя пераапранутыя калядоўшчыкі вандруюць па гэтым населеным пункце і менавіта ў гэты студзеньскі навагодні вечар, так што прылепская калядная традыцыя тут ужо замацавалася. Сёлета місію аб’яднаць жадаючых паўдзельнічаць у гурце калядных персанажаў узяла на сябе сям’я мясцовай настаўніцы Марыны Лукашэнка і яе дачкі — iнжэнера будаўніцтва Кацярыны. Акрамя суседзяў да гурта далучыліся і сябры са сталіцы. «Каза» і «мядзеведзь вучоны», зорканоша, «цыганка» і «доктар», «продкі — дзед і баба», гарманіст завітвалі ў дамы гасцінных гаспадароў, паказвалі маленькі спектакль, віншавалі і жадалі шчаслівай долі, танчылі і, вядома, спявалі вясёлыя песні-калядкі — гэтым самым неслі радасць і казачны настрой, асабліва дзецям, вярталі старажытную культурную традыцыю ў кантэкст сучаснага жыцця вёскі. Калядоўшчыкаў сустракалі і адорвалі салодкімі прысмакамі мясковыя фермеры, настаўнікі, мастакі, маладыя сем’і і сем’і пенсіянераў.
Анатоль КЛЯШЧУК
Фота аўтара
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
