У выставачным комплексе Нацыянальнай бібліятэкі Беларусі 12 студзеня адкрылася выстаўка «Фарфоравае асарці».
Гэта выстаўка сапраўды вартая ўвагі: звыш 500 фарфоравых прадметаў з асабістай калекцыі. Сярод іх казачныя і літаратурныя героі, цыркавыя артысты, балерыны, жывёлы, бюсты кампазітараў, паэтаў і пісьменнікаў, сервізы, а таксама фарфор на пастаральныя сюжэты, навагоднюю і касмічную тэмы. Тут прадстаўлены экспанаты з беларускіх, расійскіх і еўрапейскіх заводаў.
Трэба адзначыць, што экспазіцыя складалася з фарфоравай калекцыі члена Праўлення Беларускага рэспубліканскага грамадскага аб’яднання калекцыянераў Віктара Суворава. Падчас адкрыцця выстаўкі ён адзначыў, што фарфор — гэта той матэрыял, які аб’ядноўвае ўсіх людзей: ад хатніх гаспадынь да такіх выдатных людзей, як Юрый Гагарын (ён калекцыяніраваў фарфоравыя вазы).
Таксама калекцыянер даў адказ на пытанне, чаму выставе далі менавіта такую назву:
— Чаму асарці? Таму што тут прадстаўлены розныя кірункі калекцыяніравання фарфору.
Выстаўку можна будзе наведаць амаль да канца 2023 года.
Лізавета ГОЛАД
Фота аўтара
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.