Часопіс «Алеся» і СПБ абвяшчаюць конкурс «Старэйшыя мае, мне з вамі добра»

Часопіс «Алеся» сумесна з ГА «Саюз пісьменнікаў Беларусі» абвяшчаюць літаратурны конкурс «Старэйшыя мае, мне з вамі добра», прысвечаны сям’і. 

Конкурс праводзіцца сярод паўналетніх чытачоў і падпісчыкаў часопіса «Алеся». Мовы конкурсу — беларуская, руская. 

Арганізатары конкурсу — часопіс беларускіх жанчын «Алеся» і Грамадскае аб’яднанне «Саюз пісьменнікаў Беларусі». 

На конкурс прымаюцца творы ў малых паэтычных жанрах (верш, санет і г.д.) і малых празаічных жанрах (аповед, казка, эсэ), якія раней нідзе не публікаваліся.

Адным удзельнікам на конкурс могуць быць прадстаўлены:

• паэтычныя творы, чый сукупны аб’ём не перавышае 48 радкоў;
• 1 (адзін) празаічны твор аб’ёмам не больш 6000 знакаў (з прабеламі). 

Адзін удзельнік можа прадставіць на конкурс творы ў абедзвюх намінацыях або ў адной з іх. Работы, якія перавышаюць указаныя аб’ёмы, не разглядаюцца!

Работы дасылаюцца на электронны адрас alesya@zviazda.by або на паштовы адрас: 220013 г. Мінск, вул. Б. Хмяльніцкага, 10а, рэдакцыя часопіса «Алеся» з паметкай: «Конкурс».

Конкурсныя работы павінны быць набраныя на стандартных лістах фармату А4, шрыфт Times New Roman, кегль 14, міжрадковы інтэрвал — 1, палі — стандартныя.

Прыкладаюцца наступныя звесткі пра аўтара: прозвішча, імя, імя па бацьку, месца пражывання, паштовы адрас, кантактны тэлефон, e-мэйл.

• Прыём работ — з 20 студзеня па 20 красавіка 2023 г.
• Вызначэнне пераможцаў — з 20 красавіка 2023 г. па 15 мая 2023 г.
• Публікацыя вынікаў конкурсу — у № 6 часопіса «Алеся». 

Вынікі падводзяцца ў дзвюх намінацыях — «Найлепшы паэтычны твор» (1-е, 2-е, 3-е месца) і «Найлепшы празаічны твор» (1-е, 2-е, 3-е месца). Пераможцы конкурсу будуць узнагароджаны дыпломамі і прызамі, а творы-пераможцы — апублікаваны на старонках часопіса «Алеся».