Вы тут

Хакеісты мінскага «Дынама» атрымалі хатнюю перамогу над «Куньлунем»


Хакеісты мінскага «Дынама» выйгралі першы матч у рамках бягучай хатняй серыі ў чэмпіянаце Кантынентальнай хакейнай лігі, паведамляе БелТА.


Фота: БелТА.

Учора на «Мінск-Арэне» гасцяваў аўтсайдар Заходняй канферэнцыі КХЛ «Куньлунь Рэд Стар». Стартавы перыяд скончыўся з роўным лікам 1:1 — на дэбютную шайбу гасцей адказаў форвард «зуброў» Нік Мерклі. У другім адрэзку гульні намаганнямі Рамана Гарбунова наперад выйшлі ўжо гаспадары, але яшчэ да перапынку хакеісты з Мыцішчаў аднавілі парытэт — 2:2. Лёс паядынку вырашыўся ў заключнай трэці, дзе ключавой стала шайба дынамаўца Брэндана Козуна за восем хвілін да фінальнай сірэны. У астатні час выратавацца госці не змаглі, у выніку 3:2 на карысць «Дынама».

Гэтая вікторыя стала для падапечных Крэйга Вудкрафта шостай у 12 матчах студзеня. Дзякуючы перамозе наша каманда набрала 59 ачкоў і паднялася на 7-ю пазіцыю на Захадзе, на бал ад мінчан адстаюць «Спартак» і «Северсталь», у якіх на адну гульню менш. Далей «Дынама» чакае сустрэча з адной з наймацнейшых каманд Усходняй канферэнцыі магнітагорскім «Металургам». Апошні матч «зуброў» у бягучай хатняй серыі пройдзе 2 лютага і стартуе ў 19.10.

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».