Вы тут

Нікалайчык: Беларусь планамерна і мэтанакіравана пашырае сваю прысутнасць у Афрыцы


Прысутнасць Беларусі на Афрыканскім кантыненце планамерна і мэтанакіравана пашыраецца. Аб гэтым заявіў начальнік упраўлення Афрыкі і Блізкага Усходу Міністэрства замежных спраў Беларусі Юрый Нікалайчык у праекце «Па факце: рашэнні Першага» на YouTube-канале БелТА.


«Калі ацэньваць нашу прысутнасць у Афрыцы, то за 31 год незалежнасці наша прысутнасць там планамерна і мэтанакіравана пашыраецца. Мы пачыналі некалі з двух пасольстваў. Гэта быў Егіпет, а потым Паўднёва-Афрыканская Рэспубліка. Цяпер у нас працуюць 5 загранустаноў у краінах Афрыкі (Егіпет, ПАР, Нігерыя, Кенія і Зімбабвэ)», — сказаў начальнік упраўлення МЗС. Прычым пасольства Беларусі ў Зімбабвэ было адкрыта адносна нядаўна, у 2022 годзе. Нашу краіну там прадстаўляе саветнік па гандлёва-эканамічных пытаннях. Назначэнне пасла, паводле слоў Юрыя Нікалайчыка, чакаецца пасля візіту Прэзідэнта Аляксандра Лукашэнкі ў гэту краіну.

Прадстаўнік МЗС падкрэсліў, што пашырэнне сеткі беларускіх загранустаноў у Афрыцы ідзе ў рэчышчы заяўленых кіраўніком дзяржавы патрабаванняў аб тым, каб МЗС у першую чаргу займалася эканамічнай дыпламатыяй, развіццём гандлёва-эканамічнага кампанента супрацоўніцтва. «Паколькі мы пашыраем прысутнасць, мы бачым перспектывы ў канкрэтных краінах гэтага кантынента для нарошчвання двухбаковага ўзаемадзеяння», — адзначыў Юрый Нікалайчык. Ён падкрэсліў, што наяўнасць беларускіх загранустаноў у ключавых рэгіёнах Афрыканскага кантынента і паслоў, якія акрэдытаваны ў тым ліку ў суседніх краінах, дае магчымасць істотна актывізаваць кантакты.

Прадстаўнік МЗС упэўнены, што Беларусі і краінам Афрыкі яшчэ ёсць куды расці ў плане павелічэння ўзаемнага тавараабароту, які пакуль яшчэ далёкі ад пікавых значэнняў. «За 2021 год у нас тавараабарот з краінамі Афрыканскага кантынента склаў паўмільярда долараў, з іх $480 млн — гэта беларускі экспарт у краіны Афрыкі», — растлумачыў ён. У першую чаргу наша краіна пастаўляе прадукцыю машынабудавання, сельскагаспадарчую, кар’ерную, грузавую тэхніку. Запатрабавана цяпер і прадукцыя Беларускага металургічнага завода. «У нас ёсць перспектывы для нарошчвання супрацоўніцтва, прычым не толькі ў плане чыстага экспарту, але і ў плане прамысловай кааперацыі. На гэты момант вядзецца работа, у прыватнасці, па стварэнні зборачных вытворчасцей нашай сельскагаспадарчай тэхнікі ў Егіпце і ПАР», — паведаміў Юрый Нікалайчык, удакладніўшы, што размова ідзе аб праектах Мінскага аўтамабільнага завода па наладжванні зборачнай вытворчасці ў Егіпце і Мінскага трактарнага завода па арганізацыі ў ПАР зборкі трактароў, якія на рынак выйдуць пад мясцовым брэндам.

«У цэлым мы з аптымізмам глядзім у 2023 год па краінах Афрыкі, паколькі ў нас прадаўжаецца рэалізацыя тых праектаў, якія ўжо запушчаны. Мы маем намер актывізаваць супрацоўніцтва з Зімбабвэ, разлічваем, што ў рамках візіту кіраўніка дзяржавы, дзелавога бізнес-форуму ў Харарэ будуць дасягнуты канкрэтныя дамоўленасці, якія дадуць магчымасць нам павялічыць і тавараабарот, і знайсці новыя, перспектыўныя нішы для сумеснай работы», — сказаў ён.

Прэв’ю: pixabay.com

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».