Вы тут

Інстытут філасофіі НАН Беларусі адкрывае цыкл лекцый па этнафіласофіі беларусаў


5 лютага ў 14.00 у Нацыянальным мастацкім музеі Рэспублікі Беларусь у рамках праекта Інстытута філасофіі НАН Беларусі «Навука мастацтва і мастацтва навукі» стартуе цыкл лекцый старшага навуковага супрацоўніка Інстытута філасофіі НАН Беларусі Ірыны Дубянецкай на тэму «Этнафіласофія і беларускія культурныя коды».


Беларуская этнафіласофія працуе з традыцыйным светапоглядам беларусаў, адлюстраваным у шматлікіх фальклорных запісах, даследуе шматузроўневыя сістэмы сувязей розных элементаў нацыянальнай культуры, разглядае беларускае светаўладкаванне ў яго ўнутранай логіцы, цэласнасці і шматмернасці, а таксама выяўляе арганічнасць сувязі беларускай і іншых культур.

У цыкле лекцый «Этнафіласофія і беларускія культурныя коды» гаворка пойдзе пра беларускую традыцыйную карціну свету, яе ўнутраныя сэнсы і сувязі, пра новую навуку — этнафіласофію, якая іх даследуе, рэканструюе і інтэрпрэтуе. 

Першая лекцыя з цыкла прысвечана тэме «Традыцыйны светапогляд беларусаў і этнафіласофія як самаадлюстраванне беларускай культуры». Лекцыя дапаможа даведацца пра эстэтычную і навуковую каштоўнасць беларускага фальклорнага матэрыялу, убачыць значэнне, месца і функцыі традыцыйнай культуры ў сучасным высокатэхналагічным свеце. Слухачы змогуць азнаёміцца з першым плёнам акадэмічнага праекта этнафіласофскіх даследаванняў на прыкладзе кнігі «Трошкі бліжэй да Сонца, трошкі далей ад Месяца: беларуская народная філасофія».

Папярэдняя рэгістрацыя не лекцыі не патрабуецца. Наведванне будзе даступным па ўваходным білеце ў галоўны корпус Нацыянальнага мастацкага музея Рэспублікі Беларусь.

Надзея НІКАЛАЕВА

Прэв’ю: pixabay.com

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».