«Сэлфі з часам» — так назваў сваю творчую вечарыну, якая адбудзецца 9 лютага ў вялікай зале Дома літаратара, вядомы паэт, празаік, публіцыст, заслужаны дзеяч культуры Рэспублікі Беларусь Навум Гальпяровіч.
На працягу ўсёй сустрэчы вядучыя Алесь Мойскі і Алеся Сівохіна будуць гартаць розныя старонкі жыцця творцы, згадаюць яго дзяцінства, родны Полацк, ганаровым грамадзянінам якога ён з’яўляецца, журналісцкія шляхі на радыё і тэлебачанні і, вядома, літаратурныя здабыткі.
Вершы паэта будуць чытаць артысты Алег Вінярскі і Маргарыта Захарыя.
Прагучаць песні на словы паэта ў выкананні заслужанага артыста Алега Сямёнава, Сяргея і Алы Кравец, Віктара Мяцельскага.
Свае віншаванні юбіляру падрыхтавалі вядомая фалькларыстка з Гомеля Ірына Глушэц, майстар батлейкі з Наваполацка Андрэй Рэцікаў, супрацоўнікі Полацкага музея беларускага кнігадрукавання.
Гледачоў чакаюць і іншыя цікавосткі, а таксама магчымасць набыць новыя кнігі аўтара з яго аўтографам.
Пачатак вечарыны ў 17 гадзін.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.