Беларускіх старшакласнікаў запрашаюць паўдзельнічаць у Рэспубліканскай інтэрнэт-алімпіядзе па пытаннях выбарчага права, выбарчага працэсу, паведамляе БелТА са спасылкай на Нацыянальны адукацыйны партал.
Для ўдзелу ў алімпіядзе запрашаюцца навучэнцы 10-11-х класаў устаноў агульнай сярэдняй адукацыі. Прыём заявак ужо стартаваў, завершыцца ён 26 лютага.
Інтэрнэт-алімпіяда праводзіцца ў мэтах развіцця прававой культуры, удасканалення ведаў у галіне выбарчага права, выбарчага працэсу, стымулявання да асобаснага і інтэлектуальнага развіцця вучняў. Яе задачамі з’яўляюцца выхаванне грамадзяніна і патрыёта сваёй краіны, фарміраванне ведаў прававых нормаў і правілаў у галіне выбарчага права, выбарчага працэсу, развіццё цікавасці да грамадазнаўства, далучэнне максімальнай колькасці навучэнцаў да інтэрактыўнага адукацыйнага ўзаемадзеяння з ужываннем інфармацыйна-камунікацыйных тэхналогій, а таксама стварэнне ўмоў для падтрымкі адораных навучэнцаў.
Алімпіяда праводзіцца анлайн на інтэрнэт-рэсурсе па суправаджэнні турніраў, алімпіяд і конкурсаў у два туры. Першы (адборачны) адбудзецца 6 сакавіка, другі (асноўны) пройдзе 13 сакавіка. Пераможцы будуць узнагароджаны дыпломамі I, II і III ступені і прызамі.
Навукова-метадычную і тэхніка-тэхналагічную падтрымку ў арганізацыі і правядзенні інтэрнэт-алімпіяды забяспечвае Нацыянальны інстытут адукацыі з далучэнне спецыялістаў устаноў вышэйшай адукацыі.
Прэв’ю: pixabay.com
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
