Вы тут

Брэсцкі навукова-тэхналагічны парк стаў больш на 7 тыс. кв. м.


Брэсцкі навукова-тэхналагічны парк стаў больш на 7 тыс. кв. м. Аб гэтым паведаміў БелТА дырэктар тэхнапарка Дзмітрый Макарук.


Пад свае патрэбы тэхнапарк атрымаў былы цэх Брэсцкага электрамеханічнага завода. Дзякуючы рэканструкцыі, якая пачалася ў лістападзе 2020 года, карысныя плошчы гэтага будынка павялічацца з 16, 5 тыс. кв. м да 28 тыс. кв. м. Першы з трох этапаў работ ужо завяршыўся, на новых плошчах уладкавалі офісы і вытворчыя памяшканні.

«У новыя памяшканні рэзідэнты пачалі засяляцца 1 лютага. Цяпер пустуюць каля 10% плошчаў, усё астатняе ўжо занята. Думаю, да вясны і гэтыя памяшканні будуць заселеныя», — выказаў меркаванне Дзмітрый Макарук. Рэканструкцыя працягваецца. Паэтапна ў распараджэнне рэзідэнтаў будуць прадастаўляць новыя памяшканні. Сярод іншага ў тэхнапарку плануецца ўладкаваць зоны адпачынку, цэнтр калектыўнага карыстання, канферэнц-залы, месцы агульнага карыстання.

У Брэсцкім навукова-тэхналагічным парку зарэгістраваны 58 рэзідэнтаў, чатыры з якіх далучыліся да парку ў 2022 годзе. «Адзін займаецца распрацоўкай прыкладанняў для лагапедаў. Іншая кампанія займаецца вытворчасцю артэзаў, бандажоў, фіксатараў, суппортаў. Самі распрацоўваюць, шыюць. Трэці рэзідэнт, які да нас прыйшоў, пакуль толькі стартуе. Яны будуць вырабляць прафесійныя спартыўныя лодкі з кампазітаў. Чацвёртая кампанія займаецца вытворчасцю пневмаабсталявання і інструментаў для робататэхнікі», — распавёў дырэктар тэхнапарку.

Паралельна ідзе праца па стварэнні індустрыяльнага парку ў Баранавічах — гэта будзе філіял Брэсцкага тэхнапарка. «Цяпер — стадыя выдзялення зямлі, ўзгаднення з усімі неабходнымі ведамствамі. Ужо зроблена перадпраектная дакументацыя», — дадаў Дзмітрый Макарук. Для індустрыяльнага парку ў Баранавічах зарэзерваваны ўчастак плошчай 13,7 га. Там пабудуюць тры цэхі па тыпу прамысловай гасцініцы. Для абслугоўвання рэзідэнтаў маюць намер стварыць лагістычны цэнтр, невялікі адміністрацыйна-бытавы корпус з лабараторыямі і офісамі.

Прэв’ю: БелТА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.