Буйны крадзеж на сельгаспрадпрыемстве ў Ляхавіцкім раёне выявілі аператыўнікі БЭЗ УУС Брэстчыны разам з калегамі з мясцовага РАУС.
Устаноўлена, што ў студзені гаспадарка закупіла для маючай адбыцца пасяўной кампаніі мінеральныя ўгнаенні. Аднак тавар не даехаў ад прадаўца ў Баранавічах да склада прадпрыемства. Як паведамляе УУС Брэсцкага аблвыканкама, больш за 20 тон карбаміду на суму больш за 23 тысячы рублёў прысвоілі 36-гадовы галоўны аграном і 45-гадовы аграном сельгасарганізацыі. Выкрадзенае знойдзена на тэрыторыі адной з фермерскіх гаспадарак.
Следчымі заведзена крымінальная справа за крадзеж шляхам злоўжывання службовымі паўнамоцтвамі ў буйным памеры. Фігурантам пагражае да дзесяці гадоў пазбаўлення волі.
Сяргей РАСОЛЬКА
Прэв’ю: БелТА
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
Ідэнтычнасць праз спадчыну.
