Органамі фінансавых расследаванняў Камітэта дзяржкантролю спынена дзейнасць па ўхіленні ад выплаты падаткаў уласніка і кіраўнікоў 5 камерцыйных структур, якім належала ў Мінску буйная сетка магазінаў нізкага цэнавага сегмента (уключала ў сябе 11 гандлёвых аб’ектаў) па продажы тавараў лёгкай прамысловасці, перадае БелТА.
Для ўхілення ад выплаты падаткаў была распрацавана злачынная схема. Большая частка грашовых сродкаў, якія атрымліваюцца ад пакупнікоў за рэалізаваны тавар, хавалася ад падаткаабкладання (не праходзіла праз касавыя апараты).
У выніку ўласнік гэтых гандлёвых аб’ектаў ухіляўся ад выплаты падаткаў. Больш за тое, такі супрацьпраўны механізм працы дазваляў ствараць нядобрасумленную канкурэнцыю айчынным вытворцамі тавараў лёгкай прамысловасці.
Як удакладнілі ў КДК, для легалізацыі тавараў, якія прадаваліся ў крамах, выкарыстоўваліся фіктыўныя дакументы, згодна з якімі тавар нібыта набываўся ў кампаній, падкантрольных уласніку гандлёвых аб’ектаў. Але ў рэальнасці тавары закупляліся за наяўны разлік. Акрамя таго, на большасць тавараў адсутнічалі дакументы, якія пацвярджаюць іх якасць.
Аператыўнікамі УДФР КДК па Мінскай вобласці і г. Мінску таксама ўстаноўлена, што з атрыманай такім чынам выручкі работнікам гандлёвых аб’ектаў выплачвалася заработная плата ў канвертах. Яе атрымлівалі больш за 150 чалавек. Гэта давала магчымасць уладальніку бізнесу не выплачваць падаходны падатак і абавязковыя страхавыя ўзносы, а работнікі пазбаўляліся сацыяльных гарантый.
У дадзены момант дзейнасць сеткі цалкам прыпыненая.
Па выяўленых фактах распачатыя крымінальныя справы. Следчым камітэтам вядзецца папярэдняе расследаванне.
Прэв’ю: СК
Крыху больш чым 2 % беларусаў ужо маюць біяметрычныя дакументы.
Адна з галоўных прыкмет, што вясна прыйшла, — змешаны з першымі водарамі акрыялай прыроды апетытны дымок.
Літаральна днямі ў населеным пункце пачнецца маштабная работа чарговага народнага патрыятычнага праекта.
Разбіраемся разам з урачом па медыцынскай прафілактыцы.
