У 2022 годзе ГП «Спецаўтабаза г. Віцебска» ліквідавала 325 несанкцыянаваных звалак у абласным цэнтры. Пра гэта паведаміў дырэктар прадпрыемства Юрый Галушка, перадае БелТА.
Адным з кірункаў працы «Спецаўтабазы» з’яўляецца ліквідацыя стыхійных звалак, якія з’яўляюцца з-за нядбайнага стаўлення грамадзян да навакольнага асяроддзя. «У 2022 годзе на тэрыторыі Віцебска наша прадпрыемства ліквідавала 325 несанкцыянаваных звалак. Аб’ём вывезеных з такіх звалак адходаў склаў больш за 2,2 тыс.куб. м», — адзначыў дырэктар прадпрыемства і заклікаў жыхароў Віцебска карыстацца кантэйнерамі для бытавых адходаў.
«Спецаўтабаза» абслугоўвае насельніцтва горада і забірае цвёрдыя камунальныя адходы (ЦКА) з амаль 430 кантэйнерных пляцовак. «За 2022 год праведзены рамонт 51 кантэйнернай пляцоўкі, у тым ліку поўная рэканструкцыя 21 з іх. У 2023 годзе плануецца адрамантаваць не менш за 40 кантэйнерных пляцовак з поўнай іх мадэрнізацыяй», — распавёў Юрый Галушка.
Ён дадаў, што ў гэтым годзе для папаўнення і мадэрнізацыі аўтапарка прадпрыемства плануецца набыць тры смеццявозы задняй загрузкі, а таксама 15 вялікагрузных кантэйнераў для збору буйнагабарытных адходаў, 100 кантэйнераў для збору ЦКА. Усяго ў Віцебску для абслугоўвання насельніцтва маецца больш за 12,6 тыс.кантэйнераў для змешаных ЦКА, у тым ліку 9,3 тыс. кантэйнераў, размешчаных у індывідуальнай жылой забудове, і звыш 11 тыс. кантэйнераў для паасобнага збору другасных матэрыяльных рэсурсаў, уключаючы каля 9,3 тыс. кантэйнераў ёмістасцю ад 120 да 240 л, таксама размешчаных у прыватным сектары.
Прэв’ю: БелТА
Крыху больш чым 2 % беларусаў ужо маюць біяметрычныя дакументы.
Адна з галоўных прыкмет, што вясна прыйшла, — змешаны з першымі водарамі акрыялай прыроды апетытны дымок.
Літаральна днямі ў населеным пункце пачнецца маштабная работа чарговага народнага патрыятычнага праекта.
Разбіраемся разам з урачом па медыцынскай прафілактыцы.
