У апошні зімовы дзень ў цэнтральнай раённай бібліятэцы г. Узда адбылося святочнае мерапрыемства з нагоды 80-гадовага юбілею аднаго з найстарэйшых пісьменнікаў Міншчыны Дзмітрыя Вінаградава.
Літаратурная творчасць празаіка, краязнаўцы, дзіцячага пісьменніка ўжо шмат гадоў знаходзіць водгукі не толькі сярод беларускіх кнігалюбаў, але і за мяжой.
На імпрэзе гучала шмат добрых слоў у адрас юбіляра ад кіраўніцтва раёна, абласнога аддзялення Саюза пісьменнікаў Беларусі, удзячных чытачоў. Шчыра і сардэчна павіншавалі Дзмітрыя Леанідавіча калегі па пяры, удзельнікі уздзенскага літаб’яднання «Нёманец» і народнага літаратурнага аб’яднання «Выток» з г. Дзяржынска.
У сваю чаргу Дзмітрый Вінаградаў адзначыў, што Уздзеншчына — гістарычна спрыяльнае асяроддзе для развіцця літаратурных традыцый. Малая радзіма, яе багатая гісторыя заўсёды натхняла і натхняе прыхільнікаў мастацкага слова.
Імпрэза скончылася музычным віншаваннем, у якім разам з прафесійнымі выканаўцамі ўдзел прынялі ўнучка і праўнучка пісьменніка.
Рагнед МАЛАХОЎСКІ
Фота аўтара
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».