Вы тут

Выстава «Аляксандр Дэмарын. Адчуваючы сэрцам» адкрылася ў Беларускім дзяржаўным музеі гісторыі Вялікай Айчыннай вайны


15 сакавіка ў Беларускім дзяржаўным музеі гісторыі Вялікай Айчыннай вайны адбылося ўрачыстае адкрыццё выставачнага праекта «Аляксандр Дэмарын. Адчуваючы сэрцам», прымеркаванага да 85-годдзя з дня нараджэння мастака.


На адкрыцці выступілі: дырэктар музея заслужаны артыст Рэспублікі Беларусь Уладзімір Варапаеў, куратар часовай экспазіцыі, намеснік галоўнага захавальніка фондаў Рыма Рум, удава мастака Валянціна Савіцкая.

Часовая экспазіцыя ўяўляе сабой рэтраспектыву работ Аляксандра Дэмарына, выкананых у розныя перыяды яго жыцця. Аснову складуць графічныя лісты, створаныя да літаратурных твораў беларускіх і рускіх пісьменнікаў, — Якуба Коласа, Івана Мележа, Івана Шамякіна, Вячаслава Шышкова, Аляксандра Пушкіна, Льва Талстога, Уладзіміра Маякоўскага, Міхаіла Шолахава і іншых. Сярод жывапісных твораў цэнтральнае месца зойме палатно «Пераправа. Год 1944», якое стала знакавым для многіх выстаў, прысвечаных вызваленню Беларусі.

Дапоўнілі экспазіцыю дакументы, фотаматэрыялы і асабістыя рэчы з сямейнага архіва.

Мерапрыемства завяршылася экскурсіяй па выставе, якую правяла Рыма Рум.

Даведачна:

Аляксандр Міхайлавіч Дэмарын (1938-2018) — таленавіты беларускі мастак, галоўнай творчай стыхіяй якога стала графіка. У сваіх творах ён імкнуўся да манументальнасці ў вырашэнні графічных лістоў, пошуку індывідуальнага падыходу да кожнага персанажу.

Творы А. М. Дэмарына знаходзяцца ў калекцыях Беларускага дзяржаўнага музея гісторыі Вялікай Айчыннай вайны, Саюза беларускіх мастакоў, Нацыянальнага мастацкага музея Рэспублікі Беларусь, Нацыянальнага цэнтра сучасных мастацтваў, Дзяржаўнага літаратурна-мемарыяльнага музея Якуба Коласа і ў прыватных зборах.

Віктар ІВАНЧЫКАЎ

Фота аўтара

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».