16 сакавіка ў Зале Перамогі Беларускага дзяржаўнага музея гісторыі Вялікай Айчыннай вайны адбыўся ўрачысты рытуал уручэння баявога сцяга асобнаму атраду спецыяльнага прызначэння «Рысь».
Міністр унутраных спраў Рэспублікі Беларусь генерал-лейтэнант Іван Кубракоў уручыў камандзіру атрада палкоўніку Дзмітрыю Лугавому баявы сцяг, а таксама грамату Прэзідэнта Рэспублікі Беларусь.
— Сёння быў уручаны баявы сцяг зноў створанаму падраздзяленню — асобнаму атраду спецыяльнага прызначэння «Рысь». Атрад быў створаны крыху больш за два месяцы таму, але ўжо сёння атрад нясе баявую службу ў памежжы з Украінай, выконвае баявыя задачы па забеспячэнні сілавой падтрымкі падраздзяленняў крымінальнай міліцыі. А зусім нядаўна дзякуючы сумесным дзеянням з калегамі з падраздзяленняў МУС і іншых сілавых ведамстваў не далі пакінуць Беларусь выканаўцу тэракту ў Мачулішчах. Злачынец быў затрыманы, — адзначыў у сваім выступе Іван Кубракоў. — Уручэнне баявога сцяга — гэта падзея для любога воінскага калектыву. Мы ведаем нямала прыкладаў з гісторыі Вялікай Айчыннай вайны, калі дзеля захавання баявога сцяга байцы рабілі ўсё, што ад іх залежыць, часам аддаючы самае дарагое — свае жыцці. Усё таму, што пакуль існуе сцяг — жыве і падраздзяленне.
Іван Кубракоў павіншаваў вайскоўцаў са знамянальнай падзеяй і выказаў упэўненасць: яны і далей з гонарам будуць выконваць пастаўленыя задачы, рабіць усё для таго, каб над Беларуссю заўсёды было мірнае неба.
Па заканчэнні ўрачыстай цырымоніі ўдзельнікі мерапрыемства ўсклалі вянкі і кветкі да абеліска «Мінск — горад-герой».
Віктар Іванчыкаў
Фота аўтара
Мерапрыемства праводзіцца на добраахвотнай аснове.
Не выявіць ні секунды абыякавасці.
