Сёння ў Нацыянальнай бібліятэцы Беларусі стартаваў першы майстар-клас у межах выставачнага праекта «Фарфоравае асарці». Госці мерапрыемства разам з прадстаўніцай Беларускага саюза майстроў народнай творчасці Наталляй Керус вучыліся дэкараваць талеркі ў тэхніцы «трафарэт».
Што асаблівага ў гэтай тэхніцы? Па словах Наталлі Керус, яна настолькі простая, што нават чалавек, які ніколі не трымаў у руках пэндзлік зможа задэкарыраваць любую рэч дома. Для гэтага патрэбны трафарэт, краскі і кавалачкі губкі. Можна купіць гатовы клеючы трафарэт. Гэта вельмі зручна пры дэкарыраванні мэблі. Калі вас не ўладкоўваюць гатовыя малюнкі, можна замовіць трафарэт са сваім дызайнам альбо зрабіць яго самастойна з дапамогай паперы і скотчу. Самая стойкая фарба — алейная. Больш за тое, яна не мае патрэбы ў наступным пакрыцці лакам. Аднак у параўнанні з гуашшу і акрылам сохне даволі доўга.
Пакуль я разбіралася ў тым, што гэта за тэхніка, на вачах звычайны посуд зменьваўся і станавіўся творам мастацтва. Поўная свабода творчасці: хтосьці абраў насычаныя раслінныя ўзоры, хтосьці аддаў перавагу народным арнаментам. Але ўсе талеркі атрымліваліся неверагоднымі.
Гэты майстар-клас будзе праведзены паўторна 23 сакавіка. Папярэдняя рэгістрацыя абавязковая.
Лізавета ГОЛАД
Фота аўтара
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.
