Экс-начальніку аднаго з цэхаў ААТ «Мотавела» выстаўленае абвінавачванне ў злоўжыванні службовымі паўнамоцтвамі. Падрабязнасці крымінальнай справы раскрылі ў прэс-службе Следчага камітэта, паведамляе агенцтва «Мінск-Навіны».
Як устанавіла следства, на працягу амаль пяці гадоў 38-гадовы начальнік цэха, карыстаючыся службовым становішчам, прыцягваў падначаленых да працы на ўласным дачным участку, каб сэканоміць пры будаўніцтве. Пяцёра падначаленых у працоўны час працавалі на яго ўчастку, некаторыя з іх таксама дапамагалі з рамонтам у кватэры кіраўніка.
За гэта мужчына расплачваўся палівам або грашыма і сачыў за тым, каб на заводзе не заўважылі адсутнасці супрацоўнікаў на працоўным месцы ў вызначаны час.
Аб’ём матэрыяльнай шкоды, нанесенай прадпрыемству, ацэньваецца ў больш за 36 тыс. рублёў. Фігурант прызнаў віну і раскаяўся ў зробленым. На яго маёмасць на агульную суму больш за 72 тыс.рублёў (дзве машыны, нерухомасць і іншае) накладзены арышт. Яго дзеянні кваліфікаваныя па ч. 2 арт. 424 Крымінальнага кодэкса, у дачыненні да мужчыны абраная мера стрымання ў выглядзе асабістага паручыцельства.
Прэв’ю: Мінск-Навіны
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».