Футбалісты маладзёжнай зборнай Беларусі (U-21) пачалі выступ у адборачным турніры чэмпіянату Еўропы 2025 года, паведамляе БелТА.
Першымі сапернікамі беларускай маладзёжкі ў кваліфікацыі сталі аднагодкі з Андоры, сустрэча каманд адбылася ў армянскім Армавіры. Большую частку гульні нашы футбалісты валодалі ініцыятывай, але звярнуць перавагу ў забітыя мячы так і не змаглі. У выніку нічыя 0:0, беларусы зарабляюць першае ачко ў адборы. Наступны матч падапечныя Сяргея Ясінскага правядуць 28 сакавіка: наша каманда ў Афінах згуляе супраць зборнай Грэцыі. Таксама ў нашай кваліфікацыйнай групе G выступяць футбалісты Партугаліі, Харватыі і Фарэрскіх астравоў.
Адборачныя матчы маладзёжнага Еўра-2025 завершацца ў кастрычніку наступнага года. У фінальную стадыю чэмпіянату Еўропы для футбалістаў не старэйшых за 21 год наўпрост трапяць пераможцы дзевяці груп і тры лепшыя каманды, якія фінішуюць другімі. Тры апошнія пуцёўкі на кантынентальны форум у Славакію разыграюць астатнія 6 уладальнікаў другіх месцаў.
Прэв’ю: pixabay.com
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
