Прэзідэнт Беларусі Аляксандр Лукашэнка павіншаваў Прэзідэнта Народнай Рэспублікі Бангладэш Абдула Хаміда і ўвесь народ гэтай краіны з нацыянальным святам — Днём Незалежнасці, паведамілі ў прэс-службе беларускага лідара.
«За апошнія гады ваша прыгожая краіна дасягнула істотных вынікаў у эканамічным развіцці і сацыяльным пераўтварэнні. Павышэнне ўзроўню дабрабыту насельніцтва, пераадоленне беднасці, удасканаленне структур вытворчасці і спажывання, а таксама ўкараненне інавацый ва ўсіх сферах дзейнасці з'яўляюцца відавочным доказам эфектыўнасці курсу, які выбраў урад Народнай Рэспублікі Бангладэш», — гаворыцца ў віншаванні.
Кіраўнік дзяржавы адзначыў, што дыялог паміж Мінскам і Дакай грунтуецца на трывалым падмурку ўзаемапавагі, даверу і зацікаўленасці ў далейшым умацаванні беларуска-бангладэшскага палітычнага, эканамічнага і гуманітарнага супрацоўніцтва.
"Перакананы, нягледзячы на значную геаграфічную аддаленасць, мы здолеем знайсці шляхі пашырэння двухбаковых сувязей, у першую чаргу ў сферах прамысловай кааперацыі, машынабудавання, электратранспарту, сельскай гаспадаркі, фармацэўтыкі, навукі і адукацыі», — падкрэсліў беларускі лідар.
Аляксандр Лукашэнка пажадаў Абдулу Хаміду добрага здароўя і шчасця, а народу Бангладэш — прагрэсу і працвітання.
Прэв'ю: БелТА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
