Рэспубліканскі тэатральны фестываль «Перамога» пройдзе ў Беларусі, паведамляе БелТА.
Фестываль праводзіцца з мэтай патрыятычнага выхавання грамадзян, папулярызацыі лепшых спектакляў патрыятычнай тэматыкі, заахвочвання творчых работнікаў, якія ставяць спектаклі патрыятычнай тэматыкі.
Спектаклі для ўдзелу ў фестывалі адбірае рэспубліканская экспертная камісія па тэатральным мастацтве. Выбар праводзіцца сярод спектакляў, пастаўленых тэатральна-відовішчнымі арганізацыямі, зарэгістраванымі ў Беларусі, іншымі арганізацыямі культуры розных формаў уласнасці, індывідуальнымі прадпрымальнікамі, якія вядуць прафесійную творчую дзейнасць, звязаную з пастаноўкай спектакляў, установамі адукацыі ў сферы культуры на працягу 2020-2023 гадоў.
Праграма фестывалю ўключае паказы спектакляў, якія пройдуць з 28 красавіка па 5 мая, з іх наступным абмеркаваннем, а таксама выніковы круглы стол па тэме «Вялікая Айчынная вайна ў сучасным тэатральным мастацтве Беларусі».
Арганізатары фестывалю — Міністэрства культуры, аблвыканкамы, Мінскі гарвыканкам, Нацыянальны акадэмічны тэатр імя Янкі Купалы.
Прэв’ю: БелТА
Дзяцінства — найлепшая краіна.
Тэхналогіі, што накормяць.
Гісторыя сям'і Шамехіных.
