На гэтых выхадных завяршыла работу юбілейная XXХ Мінская міжнародная кніжная выстаўка-кірмаш. Якім выдаўся апошні дзень, якія ўражанні аб выставе ў наведвальнікаў, пісьменнікаў і прадстаўнікоў выдавецтваў? Давайце разам пройдземся паміж яркімі экспазіцыямі, якія вось-вось пачнуць дэмантаваць.
І вось ён, апошні дзень працы юбілейнай XXХ Мінскай міжнароднай кніжнай выстаўкі-кірмаша. Якім ён выдаўся, якія ўражанні аб выставе ў наведвальнікаў, пісьменнікаў і прадстаўнікоў выдавецтваў? Давайце разам пройдземся паміж яркімі экспазіцыямі, якія вось-вось пачнуць дэмантаваць.
Увагу прыцягвае дзяўчынка гадоў шасці, якая ўважліва разглядае кнігу з яркімі малюнкамі і чытае ўслых. Заўважыла фатографа — збянтэжылася, але потым сабралася з духам і працягнула чытаць. Побач стаяла яе мама. Аказалася, яны з дачкой наведваюць кніжную выставу штогод, аднак сёлета выбрацца атрымалася толькі ў дзень закрыцця. Дзяўчынка вельмі любіць чытаць, ведае шмат вершаў напамяць. Падобна, дарэмна мы бядуем, што ўсе дзеці свету гаджэтаў адвыклі ад кнігі.
На стэндзе Выдавецкага дома «Звязда» — аўтограф-сесія пісьменніка Паўла Гушынца.
— Я шосты год удзельнічаю ў выставе-кірмашы, увесь час на стэндзе «Звязды». Выстава — гэта магчымасць абмяняцца досведам, падглядзець нешта ў суседзяў, зрабіць лепш, чым суседзі. Гэта магчымасць пагутарыць ужывую з чытачом, даведацца яго меркаванні і пажаданні.
Побач сядзела дачка пісьменніка Соф’я. Менавіта яна натхніла яго на стварэнне дзіцячай кнігі «Дзяўчынка і кракадзіл». Калі Соф’і было 5 гадоў, Павел пачаў расказваць ёй казкі ўласнага сачынення.
Нельга абмінуць і міжнародны складнік выставы... Вядома, асабліва аб’ёмныя і разнастайныя экспазіцыі Ганаровага госця — Расіі. Але і іншыя краіны зацікаўлівалі наведніка. Стэнд выдавецтва «Усходняя культура» з’яўляецца беларускім прадстаўніцтвам Міжнароднай выдавецкай кампаніі «Шанец», заснаванай у Пекіне ў 2010 годзе. Дырэктар выдавецтва Марына Любарская расказала, што яны ўжо трэці раз удзельнічаюць у выставе. Таксама яна дадала, што ў гэтым годзе аўдыторыя стала шырэй. Раней іх кнігамі цікавіліся ў першую чаргу кітаісты, зараз жа кнігі кітайскіх аўтараў купляе звычайны чытач.
Цырымонія закрыцця выставы пачалася са слоў намесніка міністра інфармацыі Ігара Бузоўскага:
—Я з задавальненнем магу рэзюмаваць нашу сумесную дзейнасць на працягу гэтых некалькіх дзён, работу выдаўцоў, пісьменнікаў, людзей, якія чытаюць кнігу. Наша юбілейная, ХХХ Мінская міжнародная кніжная выстава-кірмаш завяршае сваю работу, і ўцешна адзначыць, што яна адбылася менавіта так, як мы і задумвалі. У няпросты кавідны і геапалітычны час мы сабралі прадстаўнікоў 20 краін.
Выканаўчы дырэктар кніжнай выстаўкі-кірмашу Дзмітрый Макараў стаіць ля вытокаў гэтага мерапрыемства:
—Гэта шмат ці мала — 30 гадоў? Ёсць выдавецтвы, якія ўвогуле ніводнай выставы не прапусцілі, — адзначыў ён, — Мы бачым, што за гэтыя гады змянілася ўсё: знешні выгляд выставы, афармленне, але перш за ўсё змяніліся кнігі.
Па яго словах, сёлетняя Мінская міжнародная кніжная выстава-кірмаш — гэта рэкардсмен па колькасці наведвальнікаў. У гэтым годзе яе наведала больш за 50 тысяч людзей.
Пасля гэтага лепшых удзельнікаў выставы ўзнагародзілі ганаровымі граматамі. Сярод іх былі Выдавецкі дом «Звязда» і Саюз пісьменнікаў Беларусі.
Лізавета ГОЛАД
Фота аўтара
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
