«Белтэлекам» папярэдзіў аб работах у сетцы ТБ і радыё 28-29 сакавіка

«Белтэлекам» папярэдзіў аб работах у сетцы ТБ і радыё 28 і 29 сакавіка, паведамляе БелТА.

На тэрыторыі Рэчыцкага, Буда-Кашалёўскага, Гомельскага, Жлобінскага, Хойніцкага раёнаў Гомельскай вобласці 28 сакавіка з 9.15 да 15.00 будзе адсутнічаць прыём ад АРТПС «Солтанава» абавязковага агульнадаступнага пакета праграм, камерцыйнага эфірнага лічбавага ТБ, «Праўда радыё». 29 сакавіка з 09.15 да 15.00 на тэрыторыі Гомеля, Гомельскага, Буда-Кашалёўскага, Веткаўскага, Добрушскага, Рэчыцкага, Лоеўскага, Чачэрскага раёнаў будзе адсутнічаць прыём ад ОРТПС «Гомель» абавязковага агульнадаступнага пакета праграм, камерцыйнага эфірнага лічбавага ТБ, рэгіянальнага ТБ, РВ праграм 1НКБР, «Культура», «Радыус ФМ», Радыё «Гомель», «Сталіца», «Новае радыё», «Пілот ФМ», «Душэўнае Радыё», Радыё «Рокс», «Мір», «Мінск», «Гомель плюс», Гомельскага гарадскога радыё, «Праўда радыё», «Юністар», «Гумар ФМ», «Аўтарадыё», Relax FM, «Легенды ФМ», «Цэнтр ФМ», «Альфа Радыё».

Таксама 29 сакавіка на тэрыторыі Маладзечанскага, Вілейскага, Лагойскага, Мінскага, Валожынскага раёнаў Мінскай вобласці з 9.15 да 16.15 будзе адсутнічаць прыём ад АРТПС «Радашковічы» абавязковага агульнадаступнага пакета праграм, камерцыйнага эфірнага лічбавага ТБ. У гэты ж час на тэрыторыі Мінскага, Чэрвеньскага, Бярэзінскага, Смалявіцкага, Пухавіцкага раёнаў Мінскай вобласці і Асіповіцкага раёна Магілёўскай вобласці будзе адсутнічаць прыём ад АРТПС «Грабёнка» абавязковага агульнадаступнага пакета праграм, камерцыйнага эфірнага лічбавага ТБ.

У выпадку завяршэння работ раней пазначанага тэрміну праца перадатчыка будзе адноўленая. «Белтэлекам» прыносіць прабачэнні за часовыя нязручнасці і звяртае ўвагу, што правядзенне прафілактычных работ не закранае інтэрактыўнае тэлебачанне ZALA.

Прэв’ю: БелТА