Вы тут

Іван Кірчук — сапраўдны «Варажбіт»


У музеі «Лошыцкая сядзіба» прайшла творчая сустрэча вядомага беларускага этнографа, фалькларыста і музыканта Івана Кірчука, прысвечаная 40-годдзю яго навуковай дзейнасці і экпедыцыям па збіранню і даследаванню аўтэнтычнага фальклора.


Гледачы пачулі ад этнолага цікавыя гісторыі пра носьбітаў песеннай спадчыны, якіх ён сустракаў, слухаў і запісваў у сваіх этнавандроўках. З цікавасцю праслухалі яго ўласнае выкананне песень з монаспектакля «Варажбіт». Іван Іванавіч пазнаёміў з фрагментамі ранейшых праграм «Сонцам асвячуся» і «Сповязь пад стрэхамі». Кожнае песеннае выкананне суправаждалася ігрой на старажытных альбо экзачытных інструментах. На лошыцкай сустрэчы прысутнічаў Алесь Хітрун з Лідскага раёна — унук адной з носьбітак даўнейшых песень Яніны Янаўны Руцкой, якую ў свой час запісваў Іван Кірчук. Адна з песень лідскай пявунні — «Марусенька» ўвайшла ў рэпертуар знакамітага этнолага і запісана на аўдыядыск. Бабулі ўжо няма на гэтым свеце, таму ўнук, які шануе бабуліну спадчыну атрымаў ад гаспадара сустрэчы дыск, флэшку і кнігу.

Іван Іванавіч пазнаёміў гледачоў са сваімі літаратурна-даследчымі творамі і прэзентаваў кнігі «Кветка Перуна», «Горад паходжанняў», «Варажбіт». Тым часам, у прысядзібным флігелі працуе выстаўка «Лабірынты гука», куды ўвайшлі творы графікі і этнічныя музычныя інструменты з калекцыі Івана Кірчука, якая папаўнялася напрацягу гэтых чатырох дзесяцігоддзяў. Выстава будзе доўжыцца да сярэдзіны красавіка. 

Анатоль КЛЯШЧУК

Фота аўтара

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».