Прэзідэнт Беларусі Аляксандр Лукашэнка 30 сакавіка падпісаў распараджэнне, якім зацверджаны тэрміны правядзення XXXII Міжнароднага фестывалю мастацтваў «Славянскі базар у Віцебску», паведамілі ў прэс-службе беларускага лідара.
Асноўныя мерапрыемствы пройдуць з 13 па 16 ліпеня 2023 года.
У мэтах пашырэння аўдыторыі гледачоў распараджэннем прадугледжаны бязвізавы парадак уезду ў Рэспубліку Беларусь для ўдзельнікаў і гасцей фестывалю з 73 дзяржаў.
Пропускам для бязвізавага перасячэння Дзяржаўнай граніцы для замежных грамадзян будзе арыгінальны або электронны білет на мерапрыемствы фестывалю, якія праводзяцца ў Летнім амфітэатры або канцэртнай зале «Віцебск». Пры гэтым па адным арыгінальным або электронным білеце дапускаецца аднаразовы ўезд у Рэспубліку Беларусь аднаго замежнага грамадзяніна не пазней за дату правядзення названага ў білеце мерапрыемства.
З улікам існуючай практыкі дзяржаўнай падтрымкі фестывалю распараджэннем таксама прадугледжаны асобныя прэферэнцыі для яго арганізатараў і ўдзельнікаў.
Прэв’ю: БелТА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
