Вы тут

Кошт старадаўняй сядзібы ў Ганцавіцкім раёне падчас таргоў вырас у 423 разы


Кошт старадаўняй сядзібы ў Ганцавіцкім раёне падчас арганізаваных камітэтам «Брэстаблмаёмасць» таргоў вырас у 423 разы, паведамілі ў камітэце.


Былы панскі дом у аграгарадку Агарэвічы доўга шукаў свайго пакупніка. Упершыню яго выставілі на продаж у маі мінулага года. Аб’ект прайшоў усе этапы паніжэння кошту, і ў выніку 31 сакавіка яго ўпершыню прапанавалі за адну базавую велічыню (1 БВ — Br37). Вынік ходу таргоў аказаўся рэкордным за апошнія гады для"Брэстаблмаёмасці".

За лот упарта змагаліся 10 удзельнікаў, у тым ліку 9 фізічных і адна юрыдычная асоба. Таргі працягваліся амаль дзве з паловай гадзіны. Удзельнікі зрабілі больш за 2,8 тыс.ставак. У выніку лот быў прададзены за Br15, 6 тыс. жыхару Мінскай вобласці.

Аднапавярховы брусчаты будынак плошчай 324,3 кв.м пабудаваны ў 1911 годзе памешчыкам Свяжынскім. У 1990-я гады былую сядзібу рэканструявалі. Да нядаўняга часу тут працавала невялікая гасцініца і сталовая мясцовага сельгаспрадпрыемства. Разам з домам новы ўласнік набыў у арэнду на 30 гадоў зямельны ўчастак плошчай 2, 42 га.

Згодна з умовамі продажу нерухомасць можа быць выкарыстана для ажыццяўлення прадпрымальніцкай дзейнасці, у тым ліку аказання паслуг у сферы аграэкатурызму, рамесніцтва. Таксама новы ўладальнік можа выкарыстоўваць набытую маёмасць пад жылое памяшканне і вядзенне асабістай падсобнай гаспадаркі.

Таргі праходзілі на электроннай пляцоўцы Беларускай універсальнай таварнай біржы. Усяго было выстаўлена тры аб’екты. На будынкі дзіцячага садка і школы ў Баранавіцкім раёне заявак не паступіла.

Прэв’ю: pixabay.com

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».