Прыгажосць — паняцце суб’ектыўнае, і ў кожнага яно сваё. Адзенне, абутак, макіяж, прычоска, аксесуары, водар — тандэм, які стварае вобраз, надзяляе жанчыну пэўнымі якасцямі. Сексуальнасць і загадкавасць, стрыманасць і элегантнасць, здольнасць зачароўваць поглядам... Вобраз можа быць як мілым і жаноцкім, так і агрэсіўным. Нюансы, якія забіваюць вашу жаноцкасць.
Ненарматыўная лексіка. Жаноцкасць — вось што варта падкрэсліваць. І гэта датычыцца не толькі адзення, але і манеры паводзін. Не да твару жанчыне ненарматыўная лексіка. Наша гаворка — інструмент, з дапамогай якога мы паказваем навакольным, кім мы з’яўляемся, які наш статус. Жанчына, якая лаецца, не можа іншым чынам данесці сваю думку да суразмоўцы, і запаўняе брыдкаслоўем паўзы.
Адзенне не па памеры. Рэчы, якія дрэнна на вас сядзяць, адназначна сапсуюць ваш вобраз. Таму, перш чым купіць тую ці іншую сукенку або спадніцу, пераканайцеся, што яны вам па памеры. Першая прыкмета, што адзенне вам не падыходзіць, — вы абмежаваныя ў рухах. Калі ў адзенні вы не можаце нармальна сесці, падняць рукі, нахіліцца, значыць, яно не для вас. Таму адкладзіце яго ўбок і знайдзіце тыя рэчы, у якіх вы будзеце адчуваць сябе камфортна. Памятайце, адзенне павінна падкрэсліваць плюсы, а не мінусы постаці.
Ваш знешні выгляд павінен адпавядаць сітуацыі (для выхаду ў свет падыходзіць адзін камплект, для прагулкі па горадзе — іншы).
Няўвага да абутку. Многія жанчыны лічаць, што абутак не такі ўжо і важны, але сапраўдны доказ элегантнасці дамы — яе абутак. Калі вы заўсёды ў красоўках, вы губляеце сваю жаноцкасць. Вядома, што туфляў на абцасе не бывае шмат! Яны падкрэсліваюць выгін нагі, візуальна павялічваюць рост і надаюць упэўненасці ў сабе. Вядома, заўсёды хочацца выглядаць эфектна, але часцей за ўсё нам патрэбны абутак на кожны дзень. Таму пара балетак проста неабходны ў вашым гардэробе. Абутак такога тыпу вельмі зручны, акрамя таго, ён спалучаецца як са штанамі, так і са спадніцай.
Чаму так важна рабіць манікюр і педыкюр? Гэта найперш — падтрыманне чысціні. Па стане рук раней вызначалі сацыяльны статус і прафесію чалавека. Мяккая далікатная скура і дагледжаныя пазногці заўсёды лічыліся прыкметай арыстакратычнасці. А прадстаўнікоў працоўнага класа адразу выдавалі мазалі на далонях і адсутнасць манікюру.
Адсутнасць манікюру і ў цэлым недагледжаныя рукі. Рукі — візітная картка кожнай жанчыны. Яны выдаюць ваш узрост і паказваюць, ці клапоціцеся вы пра сябе. Няхай будзе просты манікюр, але абавязкова чыстыя пазногці і гладкая скура рук. І гэта можна зрабіць у хатніх умовах. Ужо які сезон на подыумах «Тыдняў моды» мы назіраем у мадэляў адсутнасць пакрыцця ці зусім нюдавае пакрыццё. Новы трэнд «манікюр без манікюру» — стыльны і стрыманы, здольны падкрэсліць добрыя якасці і схаваць недахопы. Насамрэч было чакана, што такі манікюр стане самым папулярным, бо мода на натуральную прыгажосць пачалася ўжо даўно. Нельга забываць і пра свае ногі і пяткі. Улетку мы носім адкрыты абутак, сукенкі і спадніцы, таму важна таксама за імі сачыць, каб яны заўсёды былі дагледжанымі.
Пажоўклыя зубы. Вашы зубы выдаюць вашу недагледжанасць! Магчыма, вы паліце і любіце піць каву! У гэтым выпадку вам рэгулярна неабходна пазбаўляцца ад зубнога налёту. Не ўсім шанцуе мець белазубую ўсмешку, бо і ад прыроды эмаль таксама можа мець жаўтаваты колер. Не адчайвайцеся, гэта вырашальная праблема для сучаснай стаматалогіі.
Жаноцкасць і дагледжанасць — асаблівая энергетыка, якая прыцягвае мужчын.
Сапраўдная жаноцкасць і дагледжанасць заключаецца не толькі ў хадзе, адзенні, фігуры. Таму задача кожнай жанчыны — навучыцца развіваць свае ўнутраныя якасці, пачуццёвасць і духоўнае зачараванне.
Да ўнутраных прыкмет жаноцкасці адносяцца:
Псіхолаг Алена ШАЎЧЭНКА
Фота: pexels.com
З усіх куточкаў Беларусі.
Яе песні займаюць першыя радкі ў музычных чартах краіны, пастаянна гучаць на радыё і тэлебачанні.
