Беларускія леснікі дапамаглі патушыць пажар на граніцы з Расіяй

Беларускія леснікі дапамаглі патушыць пажар на граніцы з Расійскай Федэрацыяй, паведамляе БелТА са спасылкай на Гомельскае ДВЛГА.

Дзяжурным па пажарах па сістэме «Лясны вартавы» быў выяўлены дымавы пункт на граніцы з Расійскай Федэрацыяй. Інфармацыя была перададзена кіраўніцтву, і лесапажарная каманда Добрушскага лясніцтва выехала на месца ўзгарання.

Па прыездзе высветлілася, што гарыць тэрыторыя Расіі з распаўсюджваннем фронту агню ў бок граніцы Рэспублікі Беларусь. «Лесапажарная каманда прыступіла да тушэння. Таксама дадзеныя звесткі былі перададзеныя лесапажарнай службе Бранскай вобласці», — адзначылі ў Гомельскім ДВЛГА.

У сувязі з устаноўленым 5 класам пажарнай небяспекі і шырокім фронтам распаўсюджвання агню было прынята рашэнне аб прыцягненні дадатковых сіл. У прыватнасці, дадаткова на тушэнне выехала лесапажарная каманда ПХС 1 тыпу Шабрынскага і Церахоўскага лясніцтва, а таксама каманда ПХС 2 тыпу Гомельскага вопытнага лясгаса.

Сумеснымі намаганнямі пажар быў лакалізаваны.

Прэв’ю: БелТА