Вы тут

​Моладзь прадпрыемства «Белмытсэрвіс» папоўніць састаў БРСМ


9 чэрвеня ў Мінску ў галаўным офісе Рэспубліканскага унітарнага прадпрыемства «Белмытсэрвіс» адбудзецца ўрачыстая цырымонія ўручэння маладзёжных білетаў БРСМ маладым спецыялістам Нацыянальнага лагістычнага аператара Беларусі.


Шэрагі галіновага камітэта БРСМ, створанага 21 красавіка, які аб’яднаў больш за паўтысячы маладых лагістаў, вельмі сімвалічна папоўняць 24 маладыя спецыялісты прадпрыемства, якое гэтымі днямі адзначае сваё 24-годдзе.

Даведка

РУП «Белмытсэрвіс» заснавана Дзяржаўным мытным камітэтам Беларусі ў 1999 годзе. Развіваючы беларускую і міжнародную лагістыку, Нацыянальны 4PL-аператар не толькі займае лідзіруючыя пазіцыі на рынку знешнеэканамічнай дзейнасці, але і робіць свой уклад у забеспячэнне эканамічнай бяспекі Беларусі.

Маладзёжныя білеты новым членам арганізацыі ўручаць генеральны дырэктар РУП «Белмытсэрвіс» Вадзім Бабарыкін і першы сакратар Цэнтральнага камітэта БРСМ Аляксандр Лук’янаў.

У Год міру і стваральнай працы моладзь лагістычнай кампаніі выйшла з ініцыятывай закласці патрыятычную традыцыю галіновага камітэта — кожнаму новаму члену арганізацыі разам з маладзёжным білетам і значком арганізацыі ўручаць Дзяржаўны сцяг Рэспублікі Беларусь.

Падчас імпрэз плануецца прэзентаваць дзейнасць галіновага камітэта БРСМ і ўручыць узнагароды лепшым працаўнікам прадпрыемства.

Таксама будуць арганізаваны выставы работ пераможцаў рэспубліканскага патрыятычнага конкурсу малюнкаў «Хатынь вачыма дзяцей» і ўдзельнікаў дзіцячага арт-фестывалю РУП «Белмытсэрвіс» «Мая Беларусь. За мір і стварэнне» (намінацыя «Дзень адукацыі прадпрыемства»).

Сяргей РАСОЛЬКА

Прэв’ю: БелТА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».