На грамадскае абмеркаванне вынесены праект указа «Аб аўтамабільных перавозках пасажыраў», паведамляе БелТА са спасылкай на Нацыянальны прававы інтэрнэт-партал.
Праектам прадугледжваецца стварэнне дзяржаўнага інфармацыйнага рэсурсу «Рэестр аўтамабільных перавозак пасажыраў у нерэгулярных зносінах», у які ўключаюцца звесткі аб перавозчыках, транспартных сродках (аўтобусах, легкавых аўтамабілях, аўтамабілях-таксі), вадзіцелях, дыспетчарах перавозак пасажыраў у нерэгулярных зносінах, а таксама дыспетчарах таксі.
Для нядобрасумленных перавозчыкаў і дыспетчараў прадугледжваюцца механізмы прыпынення знаходжання і выключэння з рэестра.
Дакументам устанаўліваюцца нормы: замежныя кампаніі маюць права аказваць паслугі дыспетчара перавозак пасажыраў у нерэгулярных зносінах, дыспетчара таксі толькі ў выпадку стварэння імі на тэрыторыі Беларусі юрыдычнай асобы; дзейнасць без уключэння ў рэестр забараняецца; абавязкі для перавозчыкаў забяспечыць відэафіксацыю выканання перавозак пасажыраў у нерэгулярных зносінах, у тым ліку аўтамабілямі — таксі, з дапамогай устаноўкі тэхнічных сродкаў і г. д.
Арганізатар грамадскага абмеркавання — Міністэрства транспарту і камунікацый.
Свае заўвагі і прапановы можна выказаць у спецыяльнай тэме на Прававым форуме з 8 па 18 чэрвеня.
Прэв’ю: БелТА
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
