Скарбонка Белтэлерадыёкампаніі нядаўна папоўнілася яшчэ адной узнагародай. Дакументальная кінастужка «У кадры і за кадрам. Кінааператар Анатоль Забалоцкі», створаная прадзюсарам Сяргеем Кацьерам у суаўтарстве з рэжысёрам Юрыем Цімафеевым, была адзначана бронзавым дыпломам на ХХХІІ Міжнародным кінафоруме «Залаты Віцязь».
Сёлета ў горадзе Грозны кінафестываль сабраў гульнявое, дакументальнае і анімацыйнае кіно, а таксама фільмы для дзяцей і падлеткаў — усяго 153 конкурсныя праекты.
Фільм «У кадры і за кадрам. Кінааператар Анатоль Забалоцкі», прэм'ерны паказ якой на сацыякультурным тэлеканале прайшоў у снежні мінулага года, на кінафоруме быў прадстаўлены ў намінацыі «Дакументальныя поўнаметражныя фільмы».
— Наш фільм распавядае пра легенду савецкага кінематографа. Анатоль Дзмітрыевіч — таленавіты кінааператар, цікавы пісьменнік і чалавек са складаным стаўленнем да мастацтва. Ён працаваў над кінастужкамі, якія сталі класікай, — «Каліна чырвоная», «Печкі-лавачкі», «Альпійская балада», «Хрыстос прызямліўся ў Гародні» і многімі іншымі, — дзеліцца Сяргей Кацьер. — Анатоль Дзмітрыевіч валодае моцным характарам. Не кожнаму пойдзе насустрач і адкрые сваё сэрца і душу. Але нам удалося зразумець адзін аднаго. Таму і фільм атрымаўся глыбокі, напоўнены разважаннямі героя.
Алена ДРАПКО
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
