Пазіцыя была агучана ў дакуменце, які спецдакладчык ААН Алена Доўгань накіравала ў Міжнародную арганізацыю працы (МАП) у сувязі з прапановай кіруючых органаў МАП прыняць рашэнне аб увядзенні аднабаковых абмежавальных мер супраць Беларусі. Такая магчымасць разглядаецца падчас сесіі МАП, якая праходзіць зараз у Жэневе да 16 чэрвеня ўключна.
Алена Доўгань нагадала пра негатыўнае ўздзеянне аднабаковых прымусовых мер на ажыццяўленне правоў чалавека і падкрэсліла, што Статут ААН фактычна абмяжоўвае права іншых міжнародных арганізацый, у тым ліку і МАП, уводзіць санкцыі супраць дзяржаў-членаў. Менавіта прытрымліванне абавязкаў па Статуту ААН было прычынай выключэння любых спасылак на эканамічныя санкцыі са Статуту ў 1946 годзе.
Санкцыі, уведзеныя ў многіх краінах (выкарыстаны эканамічныя і фінансавыя абмежаванні, а таксама дапушчаны парушэнні ў акадэмічнай, спартыўнай і культурнай сферах), адмоўна адбіваюцца на правах чалавека, павышаюць узровень беспрацоўя і беднасці, пагаршаюць умовы працы, рэзка абмяжоўваюць доступ да асноўных тавараў (у тым ліку прадуктаў харчавання і лекаў), падрываюць дзяржаўныя сацыяльныя праграмы для тых, хто мае патрэбу ў клопаце (у тым ліку жанчын, інвалідаў і састарэлых). Такую пазіцыю, сыходзячы з вопыту працы спецдакладчыкам, агучыла Алена Доўгань у сваім звароце ў МАП.
Яна падкрэсліла, што ад такіх несправядлівых умоў пакутуюць таксама вучоныя, спартсмены, мастакі і асобы, занятыя ў малым бізнесе і рамесніцкай прамысловасці. Часта яны выключаюцца з ініцыятыў міжнароднага супрацоўніцтва, удзелу ў міжнародных праектах, конкурсах, канферэнцыях і праграмах, і тым самым пазбаўляюцца магчымасці далейшага развіцця і дадатковых фінансавых рэсурсаў.
Спецдакладчык заклікала Генеральную канферэнцыю МАП пазбягаць любых крокаў, якія могуць быць вытлумачаны як заахвочванне ці дазвол дзяржавам — членам МАП прымаць меры, якія не адпавядаюць Статуту ААН, і падкрэсліла, што краіны — удзельніцы Міжнароднай арганізацыі працы павінны дзейнічаць адпаведна з мэтамі і прынцыпамі арганізацыі, галоўная задача якой — абарона працоўных і эканамічных правоў работнікаў. Эксперт таксама заклікала МАП стварыць механізмы для рэгулярнага маніторынгу негатыўнага ўздзеяння аднабаковых прымусовых мер на эканамічныя, сацыяльныя і культурныя правы.
Ірына СІДАРОК
Бяспека рэальная, віртуальная, у навальніцу і на адлегласці.
Яшчэ нядаўна поле сланечніку здавалася нам дзіўнай з'явай.
«Эфект шафёра» лічыцца адной з распаўсюджаных ментальных пастак.
Хто здолее змяніць гісторыю ці змяніцца пад яе ўплывам?
