Вы тут

Урачыстым шэсцем пачаліся ў Наваполацку мерапрыемствы ў гонар 65-годдзя горада


У Наваполацку святочныя мерапрыемствы, прымеркаваныя да 65-годдзя горада, стартавалі з урачыстага шэсця, перадае БелТА.


Разам з навапалачанамі на чале шэсця прайшлі прадстаўнікі міністэрстваў і ведамстваў, абласной і гарадской улады, грамадскіх аб’яднанняў. Цёпла сустракалі апладысментамі жыхары горада старшыню Савета Рэспублікі Наталлю Качанаву, якая была кіраўніком гарвыканкама і ўнесла вялікі ўклад у развіццё нафтаграда.

У значны для Наваполацка год горад носіць гордае званне моладзевай сталіцы Беларусі. Актыўная моладзь пранесла па цэнтральнай вуліцы Наваполацка сцяг горада пад гукі духавога аркестра і бой барабанаў чароўных мажарэтак. Маленькія навапалачане, нібы яркія сонейкі, ззялі шчаслівымі ўсмешкамі.

Госці свята здзейснілі своеасаблівы экскурс у гісторыю ад першай палаткі будаўнікоў горада да сучаснасці. У святочнай калоне прайшлі прадстаўнікі бударганізацыі, якая стаяла ля вытокаў узвядзення Наваполацка — трэста № 16, і ўжо вядомых далёка за межамі краіны прадпрыемстваў, такіх як заводы «Нафтан» і «Палімір». Прамыслоўцы, урачы, педагогі, ветэраны працы, юныя зоркі спорту і мастацтва, Ганаровыя грамадзяне Наваполацка, госці з гарадоў-пабрацімаў атрымалі сваю порцыю прывітанняў ад калег, сяброў і знаёмых, якія сталі ў жывы калідор па шляху руху шэсця і здымалі відэа і фота на тэлефоны.

Урачыстая калона прайшла да Плошчы Будаўнікоў, дзе для гасцей і ўдзельнікаў свята адбыўся яркі канцэрт з удзелам творчых калектываў горада.

Прэв’ю: БелТА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».