Кароткачасовыя дажджы і да +22°С чакаецца ў Беларусі 11 чэрвеня

У Беларусі 11 чэрвеня чакаюцца кароткачасовыя дажджы і да 22 градусаў цяпла. Аб гэтым БелТА паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды. 

У нядзелю будзе пераменная воблачнасць. Пераважна без ападкаў, па паўднёвым усходзе кароткачасовыя дажджы, месцамі магчымыя навальніцы. Вецер паўночна-заходні парывісты, днём месцамі моцны парывісты. 

Тэмпература паветра ўначы складзе 3-9 градусаў цяпла, па паўднёвай частцы краіны да 13 градусаў вышэй за нуль. Днём чакаецца плюс 16-22 градусы, па паўднёвым усходзе слупок тэрмометра будзе паказваць 13-15 градусаў цяпла.

На большай частцы тэрыторыі Мінскай вобласці, а па Віцебскай і Магілёўскай абласцях месцамі захаваецца Надзвычайная пажарная небяспека (5-ы клас).

Прэв’ю: БелТА