Вы тут

Мараць стаць афіцэрамі: у Спецыялізаваным ліцэі МУС прайшоў выпускны


У Спецыялізаваным ліцэі МУС урачыста праводзілі выпускнікоў і ўручылі ім атэстаты, паведамілі ў прэс-службе МУС.


Фота: МУС.

Гэты дзень стаў урачыстым і хвалюючым для 44 маладых людзей. Большасць хлопцаў хочуць стаць афіцэрамі і плануюць паступіць у міліцэйскія ВНУ. Павіншаваць выпускнікоў ад імя кіраўніцтва Міністэрства ўнутраных спраў прыехала начальнік Галоўнага ўпраўлення кадраў МУС Наталля Сіманава. Звяртаючыся да дзяцей, яна адзначыла, што за пяць гадоў напружанай, але займальнай вучобы яны ўзмужнелі, сталі больш дысцыплінаванымі, самастойнымі і адказнымі, набылі бясцэнны жыццёвы вопыт, адужэлі маральна і фізічна. «Кіраўніцтва ведамства ганарыцца выпускнікамі і ўпэўнена, што іх выбар — дарога гонару, дабра і годнасці», — сказала яна.

Словы падзякі Наталля Сіманава выказала выкладчыкам і курсавым афіцэрам. Яна адзначыла, што яны займаюцца высакароднай справай і ўкладваюць часцінку сваёй душы ў кожнага навучэнца. Цёплыя словы пачулі і бацькі, якія падтрымалі дзяцей у рашэнні паступіць у ліцэй і дапамагалі ім на працягу ўсіх гадоў навучання. Да віншаванняў далучыўся і начальнік ліцэя палкоўнік міліцыі Яўген Абрамовіч. 

Па добрай традыцыі выпускнікі ліцэя станцавалі вальс з вучаніцамі дзіцячай харэаграфічнай школы мастацтваў № 1 Мінска. Кранальным момантам стала развітанне са сцягам ліцэя. Пасля гэтага выпускнікі ў апошні раз прайшлі па пляцы ўрачыстым маршам, падкінуўшы ў неба манеткі на поспех. Яшчэ адна традыцыя ліцэя — высадка дрэў на алеі выпускнікоў. Затым будучыя афіцэры запусцілі ў неба папяровыя самалёцікі з пажаданнямі, якія абавязкова павінны споўніцца.

Выбар рэдакцыі

Жыллё

Кватэры разыходзяцца як гарачыя піражкі. 2023 год можа стаць сапраўды рэкордным

Кватэры разыходзяцца як гарачыя піражкі. 2023 год можа стаць сапраўды рэкордным

Як адзначаюць фінансавыя эксперты, рынак жылой нерухомасці выйшаў на беспрэцэдэнтна высокія паказчыкі па колькасці здзелак.

Культура

«Сцежкі жыцця» Паўліны Мядзёлкі

«Сцежкі жыцця» Паўліны Мядзёлкі

Была ў Купалы... Купалінка.

Калейдаскоп

Красоўкі і твідавы гарнітур — не пара

Красоўкі і твідавы гарнітур — не пара

Якія прамашкі жанчын у адзенні выдаюць адсутнасць густу?

Культура

Як пакажуць мінулае ў кінастужцы «На другім беразе»

Як пакажуць мінулае ў кінастужцы «На другім беразе»

Хто здолее змяніць гісторыю ці змяніцца пад яе ўплывам?