Пісаць гэту кнігу аўтару Алене Стэльмах дапамагалі пяць дзяўчынак рознага ўзросту: кожная з іх прыдумала сваіх герояў і іх незвычайныя прыгоды. Галоўнымі дзеючымі асобамі сталі граф Эмерык, яго дачка Альжбета, яе сяброўка Яіцка, а таксама – кактус Пундзік, садоўнік Аловак, гузік Юзік, труска Розачка і варона Карыла.
Сюжэт кнігі пабудаваны на рэальных фактах з гісторыі Беларусі, пераплеценых з легендамі і паданнямі сівой мінуўшчыны, а асноўныя падзеі адбываюцца ў Стаханькаўскім маёнтку графа Эмерыка (шукайце паралелі з сапраўднымі гістарычнымі персанажамі). Гісторыя і сённяшні дзень цесна судакранаюцца на старонках выдання: выкарыстоўваючы куфэрак, які граф Эмерык знайшоў пры вельмі загадкавых абставінах, галоўныя героі здзяйсняюць падарожжа ў часе. Яны знаёмяцца з друкарняй Францыска Скарыны 500-гадовай даўніны, даведваюцца аб выданні першай кнігі на беларускай мове…
Акрамя захапляльнага сюжэту, чытачоў чакаюць займальныя практычныя заданні, якія дазволяць ім адчуць сябе сапраўднымі чараўнікамі: “знайдзі скарб”, “дапамажы вароне Карыле вярнуць уладальнікам нарабаванае дабро”, “дадай старонку ў Кнігу Чараўніцтва”, і многае-многае іншае. А лёгкія, нібыта напоўненыя паветрам ілюстрацыі мастачкі Кацярыны Першынай, якая, дарэчы, ужо не першы раз стварае вобразы герояў кніг Выдавецкага дома “Звязда”, – гэта яшчэ адна нагода адправіцца ў падарожжа разам з героямі Алены Стэльмах.
_______________________________________________________________________________________________________
Існуюць строгія патрабаванні да месцаў для купання.
Яе песні займаюць першыя радкі ў музычных чартах краіны, пастаянна гучаць на радыё і тэлебачанні.
