“…Як цурчанне гаючай крыніцы, што нястомна поіць рачную плынь, усплываюць мілыя сэрцу сустрэчы з людзьмі рознага ўзросту, заняткаў, з кім лёс падараваў убачыцца, хто станавіўся героем маіх радыё- і тэлепраграм, газетных радкоў. Як самыя каштоўныя каралі, нанізваліся на трывалую нітку жыцця шчаслівыя моманты размоў з жыхарамі самых розных мясцін Беларусі.
Няўжо можна забыць той сонечны летні дзень на радзіме народнага пісьменніка Беларусі Васіля Быкава — у невялічкай ушацкай вёсачцы Бычкі, дзе жонка яго брата Антаніна адчыніла нам дзверы ў драўляную хацінку, якая збудавана на былой сядзібе Быкавых, дзе нарадзіўся геніяльны творца. Пярэдні пакой і куханька з печчу, каля якой стаіць самаробны кухонны столік. Убачанае так уразіла, што ноччу ва ўшацкай гасцініцы прыдаўся сон пра хату Быкава, у якую завіталі сталічныя вядомыя беларускія літаратары. Як перад сабою бачыў за абедзенным столікам Рыгора Барадуліна, Генадзя Бураўкіна і Васіля Быкава. Старэнькая гаспадыня хаты частавала іх яешняй са скваркамі ў патэльні. Якое было здзіўленне, калі назаўтра Антаніна стала расказваць пра наведванне родных мясцін Васілём Быкавым разам з вядомымі паэтамі Барадуліным і Бураўкіным. Частавала іх маці пісьменніка. Пасярод стала ставілася вялікая патэльня. Быццам сам Васіль Уладзіміравіч слухаў гэты расповед у адноўленай хаце…”, – піша Уладзімір Субат у сваёй кнізе.
Непадуладны часу пярэсты букет чалавечых расповедаў, што кранае шчырасцю і багаццем народнай мудрасці, чакае чытачоў на старонках выдання.
Каб набыць кнігу па спецыяльным кошце (без гандлёвай нацэнкі) звяртайцеся ў Выдавецкі дом «Звязда» па тэлефонах:
Чтобы купить книгу по специальной цене (без торговой наценки) обращайтесь в Издательский дом «Звязда» по телефонам:
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.
