Загадчык аддзела геаграфіі і эвалюцыі глебаў інстытута геаграфіі РАН Сяргей Гарачкін распавёў аб пачатку правядзення работ па вывучэнні глебаў на астравах архіпелагаў Новая Зямля і Зямля Франца-Іосіфа. Гэта дапаможа выявіць магчымае існаванне ў арктычнай зоне мікраарганізмаў, якія небяспечныя для чалавека. Да працы прыступілі навукоўцы ў ходзе рэйса Арктычнага плавучага універсітэта на навукова-даследчым судне "Прафесар Малчанаў".
"Паколькі мы асвойваем Арктыку, практычнае выкарыстанне вынікаў мікрабіялагічных даследаванняў вельмі важнае, каб зразумець, як чалавеку выжываць у гэтых умовах, ці існуюць небяспечныя для чалавека мікраарганізмы або не існуюць, якія іх узаемаадносіны з тымі ж нематодамі - круглымі чарвякамі. Гэта важныя пытанні, каб зразумець жыццё ў халодных умовах", - заўважыў Сяргей Гарачкін.
"Зямля Франца-Іосіфа і Новая Зямля - гэта ў асноўным камяні, там арганізмам цяжка змагацца за жыццё. Каб зразумець, як адбываецца ўзаемадзеянне арганізмаў з горнай пародай ў такіх экстрэмальных умовах, мы і адправіліся ў экспедыцыю. Вынікам будуць фундаментальныя глебава-геаграфічныя рашэнні: мы зразумеем размеркаванне розных тыпаў глеб, па меншай меры па нашай краіне, што зможа палепшыць як глебавыя карты, так і класіфікацыю глеб", - сказаў на заканчэнне Гарачкін.
Адабраць ўзоры ў высокай Арктыцы вельмі складана, таму што ў гэтых шыротах тэмпература ў асноўным не перавышае плюс сямі градусаў, і пробы будуць замарожвацца. Але навукоўцы знайшлі выйсце. Атрыманыя пробы яны адбіраюць і адразу ж кладуць у халадзільнік. Таксама яны выкарыстоўваюць термоизолирующие скрынкі.
Экспедыцыю складаюць 58 чалавек. Большасць з іх з Балгарыі, Швейцарыі, Кубы, Нідэрландаў, Францыі і Германіі.
Падрыхтавала Юлія Мініч.
Спасылкі
[1] https://zviazda.by/be/tags/prafesar-malchanau
[2] https://zviazda.by/be/tags/syargey-garachkin
[3] https://zviazda.by/be/tags/novaya-zyamlya