Сёння ў горадзе Дуньхуане (правінцыя Ганьсу Паўночна-Заходняга Кітая) урачыста адкрыўся Форум супрацоўніцтва СМІ «Адзін пояс, адзін шлях», перадае «Жэньмінь жыбаа» анлайн».
У форуме ўдзельнічаюць вядомыя палітычныя дзеячы, лідары камерцыйных колаў, аўтарытэтныя эксперты, а таксама прадстаўнікі больш чым 200 вядучых сусветных СМІ. Пройдуць абмеркаванні па такіх гарачых тэмах, як глабальная сувязь, інтэлектуальная вытворчасць, комплекснае здароўе, лічбавая эканоміка, культурна-турыстычная індустрыя. Будуць праведзены разнастайныя мерапрыемствы, у тым ліку прэс-тур для кітайскіх і замежных прадстаўнікоў СМІ, выстава па ўзаемным абмене інавацыямі, эксклюзіўнае мультымедыйнае інтэрв'ю, выступленні творчых калектываў.
Удзел у форуме прымае кіраўніцтва Выдавецкага дома «Звязда». Як вядома, паміж рэдакцыямі найстарэйшай газеты Беларусі і цэнтральным выданнем Кітая «Жэньмінь жыбаа» ў 2015-м быў падпісаны Мемарандум аб супрацоўніцтве. Цягам двух гадоў паспяхова ўвасабляецца глабальны сумесны праект «Весткі з Кітая».
Спасылкі
[1] https://zviazda.by/be/gramadstva
[2] https://zviazda.by/be/medyya
[3] https://zviazda.by/be/vestki-z-kitaya-0
[4] https://zviazda.by/be/tags/zhurnalistyka
[5] https://zviazda.by/be/tags/smi
[6] https://zviazda.by/be/tags/dunhuan
[7] https://zviazda.by/be/tags/vydavecki-dom-zvyazda-2