У бразільскім горадзе Кампа-Лімпу-Паўліста, штат Сан-Паўлу, супрацоўнік паліцыі ўвязаўся ў перастрэлку з узброенымі рабаўнікамі, трымаючы на руках маленькае дзіця, паведамляе выданне Thе Іndереndеnt.
Сяржант Рафаэль Соўза ў непрацоўны час зайшоў у аптэку з жонкай і дзіцем, каб купіць лекі. Калі яны знаходзіліся ў краме, у памяшканне ўварваліся двое рабаўнікоў. Соўза дастаў пісталет і стрэліў у аднаго з іх. Пазней ён растлумачыў следчым, што быў вымушаны адкрыць агонь першым, таму што меркаваў, што злачынцы заб'юць яго, калі даведаюцца, што ён працуе ў паліцыі. На запісе, зробленым камерай відэаназірання, відаць, як Соўза страляе на бягу, трымаючы на руках малое. Потым ён аддае дзіця жонцы, якая схавалася за стэлажамі з таварамі. Падчас перастрэлкі абодва рабаўнікі загінулі.
Іван КУПАРВАС
Спасылкі
[1] https://zviazda.by/be/tags/ivan-kuparvas
[2] https://zviazda.by/be/kaleydaskop
[3] https://zviazda.by/be/teletydzen
[4] https://zviazda.by/be/tags/rabaunik
[5] https://zviazda.by/be/tags/paliceyski
[6] https://zviazda.by/be/tags/braziliya