Гістарычная драма "Сакрэтнае дасье" з Мэрыл Стрып у галоўнай ролі выходзіць у шырокі пракат у чацвер.
"Сакрэтнае дасье" атрымала дзве намінацыі на прэмію "Оскар" сёлета: у катэгорыях "Лепшы фільм" і "Лепшая жаночая роля". Ці атрымае карціна прэстыжныя ўзнагароды, стане вядома ўжо 4 сакавіка.
У шырокі пракат фільм "Сакрэтнае дасье" выходзіць у гэты чацвер. Гледачы на Захадзе ўжо паспелі ацаніць драму і пакінуць пра яе першыя водгукі.
Так, на папулярным партале iMDB адзнака стужкі складае 7,3 з дзесяці — даволі высокі паказчык. Многія асабліва адзначаюць працу актрысы Мэрыл Стрып у гэтай стужцы. На Rotten Tomatoes адзнака крытыкаў складае 88%, гэта значыць карціну варта паглядзець.
У "Сакрэтным дасье" распавядаюць гісторыю Кэтрын Грэм — першай жанчыны — выдаўца ўплывовай газеты "Вашынгтон пост" і тое, як выданне выпусціла сенсацыйныя матэрыялы, заснаваныя на дзяржаўнай тайне ЗША.
bel.sputnik.by [1]
Спасылкі
[1] https://bel.sputnik.by/culture/20180222/1033809422/sekretmoe-dosye-otzyvy.html
[2] https://zviazda.by/be/tags/meryl-stryp
[3] https://zviazda.by/be/tags/sakretnae-dase
[4] https://zviazda.by/be/tags/oskar
[5] https://zviazda.by/be/tags/kino