zviazda.by
Published on zviazda.by (http://zviazda.by)

Хатняя старонка > Даходы аднаўляюцца, але пытанні застаюцца

  • 31.05.2018 08:33
  • Аўтар: Вераніка Пуставіт [1]
  • Палітыка [2], Парламент [3]

Учора дэпутаты Палаты прадстаўнікоў і члены Савета Рэспублікі на сумесным пасяджэнні задалі пытанні прадстаўнікам урада. У асноўным дэпутаты і сенатары цікавіліся пытаннямі сацыяльна-эканамічнага развіцця краіны.


Спачатку з дакладам перад парламентарыямі выступіў Васіль Мацюшэўскі, першы намеснік прэм'ер-міністра. Ён расказаў пра тое, як складваецца эканамічная сітуацыя ў краіне ў апошнія месяцы. І на які кірунак ні зірні — паўсюль рост і станоўчая дынаміка. «За першы квартал у краіну паступіла $1,3 млрд прамых замежных інвестыцый на чыстай аснове (92 % гадавога прагнозу). Гэта больш, чым за ўвесь мінулы год», — заявіў першы віцэ-прэм'ер. Інвестыцыі ў асноўны капітал у параўнанні з аналагічным перыядам мінулага года выраслі на 16,6 %.

Васіль Мацюшэўскі падкрэсліў, што ў выніку рэалізаваных урадам і Нацыянальным банкам мер Беларусь выйшла на траекторыю росту эканомікі, захавала макраэканамічную стабільнасць і збалансаванасць. «Гэтыя тэндэнцыі падтрымліваюцца і ў 2018 годзе», — сказаў ён. Па выніках першых чатырох месяцаў ВУП прырос на 4,8 %. Гэта вышэй, чым закладзена ў прагнозе сацыяльна-эканамічнага развіцця на бягучы год. «І больш, чым рост сусветнай эканомікі. Тэмпамі, якія апераджаюць эканамічны рост, павышаецца прадукцыйнасць працы па ВУП — 5,4 %», — паведаміў ён.

Васіль Мацюшэўскі запэўніў, што ў Беларусі забяспечана своечасовая выплата заробкаў, пенсій, дапамог насельніцтву, выкананы ўсе сацыяльныя абавязацельствы. «Адноўлены рост даходаў насельніцтва. Па выніках першага квартала даходы выраслі на 7,6 %, а заработная плата амаль на 14 %. На фоне дастаткова дынамічнага паскарэння эканомікі цанавая сітуацыя ў краіне захоўвае стабільнасць», — падкрэсліў Васіль Мацюшэўскі.

Пасля таго як першы віцэ-прэм'ер скончыў выступленне, па зале пайшлі размовы. Адчувалася, што парламентарыі гатовыя выказаць накопленыя за час працы праблемы. Дыяпазон іх быў шырокі — ад асабістых складанасцяў выбаршчыкаў і асобных прадпрыемстваў да тых, што датычацца маштабу краіны. Напрыклад, Андрэй РЫБАК, старшыня Пастаяннай камісіі Палаты прадстаўнікоў па прамысловасці, паліўна-энергетычным комплексе, транспарце і сувязі, сярод іншага запытаў пра тое, ці магчыма, што да восені гэтага года Беларусь уступіць у СГА.

«Нават працэдура гэта малаімаверна», — адказаў першы намеснік прэм'ер-міністра і дадаў, што пакуль, напрыклад, у ЗША да нас шмат пытанняў, на якія яшчэ давядзецца даць адказы. На яго думку, пры гэтым мадэль дзяржаўнай падтрымкі галін эканомікі выбудавана цывілізавана і значных змяненняў не пацерпіць.

Ганна КАНАПАЦКАЯ, член Пастаяннай камісіі Палаты прадстаўнікоў па эканамічнай палітыцы, задала пытанне пра тое, якія меры зараз прымаюцца, каб знізіць узровень беспрацоўя. У прыватнасці, асабліва гэта актуальна для моладзі. Ірына КАСЦЕВІЧ, міністр працы і сацыяльнай абароны Беларусі, адзначыла, што на люты 2018-га ўзровень агульнага беспрацоўя склаў 5,1 %, ці 260 тысяч чалавек. Эксперты міжнародных арганізацый лічаць, што паказчык 3-5 % — нармальны і паказвае на здаровы рынак працы, які стымулюе людзей павышаць свой прафесійны ўзровень. Міністр пагадзілася з тым, што маладым людзям складана адшукаць працу (сярод іх — 7 % беспрацоўных). Тэндэнцыя тут — на выпраўленне сітуацыі, але кардынальнага паляпшэння можна будзе чакаць толькі падчас больш значнага эканамічнага росту ў краіне.

Міхаіл МЯСНІКОВІЧ, старшыня Савета Рэспублікі Нацыянальнага сходу, прапанаваў змяніць фармат сумеснай працы ўрада і парламента, паступова адыходзіць ад сістэмы, у якой кіраўнік урада ці яго намеснік інфармуе парламентарыяў. Спікер верхняй палаты лічыць, што варта спалучыць у больш цесныя «звязкі» кіраўнікоў профільных пастаянных камісій і міністраў.

Вераніка ПУСТАВІТ

Тэгі:
  • заработная плата [4]
  • інфляцыя [5]
  • эканоміка [6]
Падзяліцца:
  • [7]
  • [8]
  • [9]
  • [10]
Нашы партнёры:
Publishing House Star
Падпіска
© 1998—2019 Усе правы належаць рэдакцыі РВУ “Выдавецкі дом “Звязда”.
Пры выкарыстанні публікацый сайта актыўная гіперспасылка на крыніцу і аўтара абавязкова.
  • Газета "Звязда"
  • Рэклама
  • Праекты
  • Архіў
  • Палітыка
  • Эканоміка
  • Грамадства
  • У свеце
  • Культура
  • Калейдаскоп
  • Спорт
  • Нашы выданні
  • Кнігі
Яндекс.Метрика (function (d, w, c) { (w[c] = w[c] || []).push(function() { try { w.yaCounter37842935 = new Ya.Metrika({ id:37842935, clickmap:true, trackLinks:true, accurateTrackBounce:true, webvisor:true }); } catch(e) { } }); var n = d.getElementsByTagName("script")[0], s = d.createElement("script"), f = function () { n.parentNode.insertBefore(s, n); }; s.type = "text/javascript"; s.async = true; s.src = "https://mc.yandex.ru/metrika/watch.js"; if (w.opera == "[object Opera]") { d.addEventListener("DOMContentLoaded", f, false); } else { f(); } })(document, window, "yandex_metrika_callbacks");
Создание информационного сайта Создание сайта webxayc.by

Спасылкі
[1] http://zviazda.by/be/tags/veranika-pustavit
[2] http://zviazda.by/be/palityka
[3] http://zviazda.by/be/parlament
[4] http://zviazda.by/be/tags/zarabotnaya-plata
[5] http://zviazda.by/be/tags/inflyacyya
[6] http://zviazda.by/be/tags/ekanomika
[7] http://twitter.com/share?url=http://zviazda.by/be/news/20180531/1527744781-dahody-adnaulyayucca-ale-pytanni-zastayucca&text=Даходы аднаўляюцца, але пытанні застаюцца
[8] http://vkontakte.ru/share.php?url=http://zviazda.by/be/news/20180531/1527744781-dahody-adnaulyayucca-ale-pytanni-zastayucca
[9] http://www.facebook.com/sharer.php?u=http://zviazda.by/be/news/20180531/1527744781-dahody-adnaulyayucca-ale-pytanni-zastayucca&t=Даходы аднаўляюцца, але пытанні застаюцца&src=sp
[10] https://plusone.google.com/_/+1/confirm?hl=ru&url=http://zviazda.by/be/news/20180531/1527744781-dahody-adnaulyayucca-ale-pytanni-zastayucca