П'яны васьмікласнік на матацыкле спрабаваў сысці ад пагоні і здзейсніў сутыкненне са службовым аўтамабілем. Пра гэта паведамілі ў ДАІ УУС Мінаблвыканкама.
Інцыдэнт адбыўся 22 чэрвеня ў 2 гадзіны ночы. Супрацоўнікаў ДАІ прыцягнуў матацыкл «Днепр» без рэгістрацыйных знакаў, які ехаў па вуліцы Вялікай без уключаных светлавых прыбораў. Інспектары падалі кіроўцу сігнал аб спыненні, але той яго праігнараваў і паспрабаваў уцячы, аднак дапусціў сутыкненне з машынай ДАІ, разбіўшы аўто задні левы ліхтар. Пасля ДТЗ кіроўца саскочыў з матацыкла і ўцёк.
Інспектары высветлілі, што за рулём «Дняпра» знаходзіўся 8-класнік, навучэнец адной са школ Заслаўя, і патэлефанавалі ягонай маці. Жанчына адвяла сына да праваахоўнікаў. Медыцынскі агляд маладога чалавека паказала, што ён п'яны - 0,74 праміле алкаголю.
Па словах хлопца, ён адзначаў з адным сваё 15-годдзе. Падлеткі выпілі на дваіх літровую ўпакоўку пладова-ягаднага віна і ўзялі матацыкл, які раней іх кампанія купіла ў знаёмага. Пасля ДТЗ, падлетак прыбег дадому і лёг спаць.
- Непаўнагадовы парушыў шэраг ПДР, прадугледжаных сям'ю артыкуламі КаАП, але за невыкананне абавязкаў па выхаванні дзіцяці па арт. 9.4 КаАП пакараюць яго маці. Паездкам сына, які не мае права кіравання транспартным сродкам, яна не перашкаджала, - распавялі ў ДАІ.
tut.by [1]
Спасылкі
[1] https://auto.tut.by/news/road/598097.html
[2] https://zviazda.by/be/tags/dai